Johannes herzog und hirre zum Sagan ad senatum Gorlicensem. Als ir uns geschrebin habit, wy ir ein tag zwischen uns und den von Hockinborn gemacht habit den nestin dinstag noch unsir libin frauen tage, thun wir uch wissin, das wir zu demselben tage keyn Gorlitz kommen wollin et cetera. Ir schreibit auch von geleite wegen, hoffen wir, das wir es keyn uch und andern landen und stettin unsers herr des konigis geholdin haben, das wir zu en nicht geleite dorffen. Auch senden wir uch in dem unserm briffe in eyner zedel beschrebin dy unsern namhafftig, die in dem frede vom Zerchin beschediget wurden seint von den, dy by den von Hockinborn legen, und eins teils von den mannen, di sich an sy haldin. Gegeben zum Sagan am montage neste nach Laurentii.