Cladrub. – Simon. etc. Vobis venerab. magistro Arnesto de Metelsko, archidiacono Horssouiensi in eccl. Prag., aut honorab. d. Nicolao, perpetuo vicario in Tin Horssouiensi, salutem etc. Noueritis, quod vacante abbacia monasterii S. Marie in Kladrub ord. S. Benedicti per mortem Martini, vlt. rect. eiusdem, relig. viri fres Henricus dictus Czuker, prepositus et rector eccl. paroch. in Prziesticz, Busko, prepositus S. Katherine, Sigismundus in Malessicz, Johannes dictus Hayko in Wieczow ecclesiarum plebani, Miroslaus pietanciarius, Sbraslaus dictus Pohan ceterique conuentuales et professi dicti mon. Cladrubensis etc. in ipso monasterio conuenientes diem certam pro eligendo futuro abbate statuerunt. Quo die adueniente prenominati fratres ad eleccionem futuri abbatis inuocata gracia Spiritus sancti placuit ipsis omnibus per formam compromissi procedere, per quam procedentes duos ex se, videlicet fratrem Sigismundum in Malessicz et Johannem dictum Hayek in Wieczow plebanos duxerunt eligendos dantes eisdem plenam potestatem vnum ex ipsis in dicti mon. abbatem eligendi. Qui quidem fratres Sigismundus et Johannes dicto onere in se assumpto votis singulorum fratrum scrutatis frem Bussconem de Wrtba, suprascripte eccl. S. Katherine prepositum et dicti mon. professum, in abbatem dicti mon. in Cladrub presentem et onus in se suscipientem elegerunt et ad stallum abbacialem eandem eleccionem publicando induxerunt et decretum eleccionis fieri per discretum Nicolaum Francisci de Wisskow, clericum Olomuc. dioc. publicum notarium, procurantes nobis prenominatum frem Bussconem ad dictam abbaciam instituendum presentauerunt, prout hec omnia in decreto eleccionis per frem Petrum, eiusdem mon. in Cladrub professum, nobis exhibito plenius continetur. Cum autem prenominatus fr. Bussco electus proper pericula et viarum discrimina nostram nequit accedere presenciam pro huiusmodi sua eleccione vlterius prosequenda, prescriptus fr. Petrus nomine eiusdem d. Busscopis electi nobis supplicauit, quatinus ad vlteriora circa dictam eleccionem procedere et ips electo munus confirmacionis impendere dignaremur. Nos etc. vobis magistro Arnesto archidyacono aut Nicolao, vicario perpetuo in Tin, mandamus, quatinus uno die dominico aut alio festiuo uel feriato quocunque post presencium requisicionem prefatum monasterium Cladrubense infra missarum solempnia per vos aut procuratorem vestrum uel cui commiseritis cridam seu proclamacionem de dicta eleccione, si prius facta non existit, faciatis, vt si qui dicte presentacioni quidquam opponere voluerint, quod a proclamacione huiusmodi die tercia, si iuridica fuerit, alias inmediate sequenti coram vobis in loco per vos aut alterum vestrum designando hora terciarum legittime compareant contra dictam eleccionem, si quod dicere voluerint, dicturi, alioquin si in huiusmodi termino nullus legittimus apparuerit contradictor aliudque canonicum impedimentum non obstiterit, ex tunc auctoritate nostra a dicto fre Busscone aut ipsius procuratore receptis iuramentis debitis et precipue, quod in cerimoniis ecclesiasticis ritum et consuetudinem sancte Romane ecclesie obseruabit, ad eandem abbaciam in Cladrub instituatis et confirmetis etc. Dat. et act. Zittauie a. D. M°CCCC°XXXV, indicc. XIII, die penultima mensis Marcii hora quasi vesperorum, pontificatus d. Eugenii pape IIII anno V, presentibus ibidem dd. Johanne Hostek, canonico Boleslauiensi, Casparo de Nebuzel, Wenceslao in Stara ecclesiarum plebanis etc.