Senatus Gorlicensis ad Johannem Saganensem: Hochgeborner fürste, gnediger lieber herre, unser undertenige willige dinste bereith. Als euer fürstliche gnade uns geschrebin had, das Hanns Wildenstein, der sich an die von Hockenborn heldit, in dem frede zwischen euer gnade und den von Hockinborn et cetera die euern beschediget et cetera, gnediger lieber herre, wir danken euern gande uwers gutten und gnedigen willin, den uwer gnade uns dorinne beweiset hat, und was sie denn an euern gnade also obir griffen haben, das ist uns getruwelich leith, und bitten mit demüthigem fleisse euern gnade zu wissen, das wir von stad an dem von Hockinborn dorumb geschreben et cetera. Was er uns denn weder doruff zu antwort geben wirtt et cetera. Gegeben am abend unsers herrn himmelfahrt under der stat Gorlitz secret anno 1427.