Mein willigen vnd gehorsamen dinst alczeit zuvor, lieben herrn! Ewern priff bey dem Jorgen Weyntrager den hab ich wol vornomen vnd als ir in demselben priff schreibt vnd begert von mir euch zu vorschreiber dy gelegenheit vnsers genedigen herrn des kesers vnd wo sich seine gnad hin fügen wel ins land odir auf dem land, lieben herrn ir begert gar eyn grosse von mir, hette ich des weisen Salamons weisheit, so möcht ich ewer weisheit des nicht vnterweisen folkomlichen vnd mit der ganczen worheit. Sondir ich las euch wissen, das mir gesagt ist worden von den canczlern dy bey meins herrn gnaden allhy seyn vnd auch von meinns herrn des erczbischoffs retten etlichen, wy das seyne gnad alhy pleiben wil fümczen tag mit werten, abir seyne gnad hat sich genczlichen dar in geben, daz er bleiben wil eyn gancz mönet, daz weren fyr wochen vnd als ich dirforn hab, so wil sich seyn gnad dornoch er gen Owin, dan gen Brün fügen abir was der auf wirt kan ich ewer erbirkeit nicht verkondigen. Quis cognouit sensum domini huius aut quis consiliarius eius fuit. Ex alio ridenti domino nec aure crede sereno de facili causa dominus mutatur et aura, also möcht sich sein gnad auch wol bald verkeren vnd das seyne gnad alhyn verczyn wil ist wol scheynbar an dem daz sich dy lantherrn speysen und zufürn lössen.

Item. Newe mer wist, das vnsers herrn gnad mit dem Nicolasko eyn tedig hette vnd wold mit im auch seyn abkomen, wy er hett gemöcht, also weren etliche huffen sein knecht am samstag und berawpten eyn dorff daz heyst Buczan 1 meil von hyn, do das vnsers herrn gnad synvart do sprach vnser herr Nicolasko hat daz geleyt und den frid gebrochen vnd lis dy tor zu sperren vnd alle türm2

Přeškrtnuto: desessen.

Vnd dy selbe nacht schikt er unser wol mit virhundirt pherden. Das wir im für das haus gutwaser ren solden vnd eyn halt stossen ob ymancz heraus komen wold. Das tet wir vnd stiffen ein halt vnd lissen inns dorf rennen vnter den haws vnd lissen das anczonden vnd syngen dy pauern vnd nomen, was man do vand, also kam nymancz der do noch tagen wold, also zug wir wyder umb. Item ee wir wider her gen Tirna komen do hetten dy keczczer eyn dorff fur vnd auffgehoben vnd woren mit allim rawb hyn komen das mir ÿ nicht mit en treffen, also haben sy das beste glück, das macht daz sy zu mitternacht steg vnd weg bas wyssen den wir zu mittentag.

Item der Nicolasko der hat alle seyn sach aus seyn henden geben und wier dreyn befolhen, waz dy drey mannen machen daz wil er gefolgig sein, also hoff wir noch es werd verricht, vnd wirt es verricht das got geb so mag sich vnsers herrn gand dester ee von hynen machen, abir wo hin das stet zu got ich meyns iczunt nicht mer, den werd ich ichtz inner, so wil ichs euch lon wissen es wer dan sach daz ich nicht hy wer so pit ich ewer erbarkait ir welt mir ein solches vergeben. Ich schrib ewch gern oft so kan noch ein mag nymancz, dy worheit schreiben. Dorum las ichs auch an sten, daz man nicht dorff sprechen ey wy hat der gelogen. Do mit helff uns got allen. Geben zu Tirna am erigtag für ascensionis am abnit. Michael Tompa, ewer stetter freunt vnd dyner.