Ich Heintze Stosche, underhauptman des furstenthum Sweydnitz und Jawer, entpiethe den gestrengen und woltuchtigen manschafft der weichbilde Lewenberg und Buntzlaw et cetera. Ich thue euch zu wissen, das ich worhaffte botschafft habe von dem edlen herrn Thymen von Colditz und von den 6 steten, das die kätzer vor die Zittaw her obir das gebirge kommen sein und geines und dese land grosslichen und gruntlichen, denne sie noch gethan haben, beschedigen. Dorumbe, lieben freunde, gebiethe ich euch ernstlichen von meines gnade herr des koniges wegen, von des hauptmanns und von meinen wegen, die ir alle mitteinander mit allen den euren, mit eurn pferden, mit harnische und mit waen dorzu schicket und euch in die stete Lewenberg und Buntzlaw zusammen haldet et cetera, als ich auch das in alle ander weichbilde geschriben habe et cetera. Geben an sand Stephans tag.