Dem hochgebornen ffursten und heren heren Ffridrichen marggraffen zu Brandenburg und burkgraffen zu Norenberg, allen kofrursten und fursten beschirmer der heiligen cristenheit, ich Otto von Bergaw uff dem Trosk gesessen, Bohuss von Cowanye uff dem Frizsteine gesessen, Jan von Genczsteina uff dem Skal gesessen, Jan Kossik, Beness Kossik von der Lomnicz uff dem Skla gesessen, Petr Czuch vom Zosady uff den Nawaty gesessen, empiten unsern willigen undertenigen dinst zuvor. Hochgebornen fürsten gnedigen lieben hern bethe wir ewern fürstliche gnad wissen das wir senden und gesant haben den ersamen Petr brifzeigern unsern lieben besundern zun eurn gnaden was denn der von unseret wegen uff dise vart wirt reden ader werben bethe wir euer furstliche gnade im das zu glauben gleich und ganz durch unsrer dinste willen als ob wir denn selber montlichen eigener personen mit euren ganden retten. Gegeben uff dem Trosk am freitage nach santi Tiburcii anno et cetera XXVIII under unsern insigln.

Aehnliches schreiben auch von Heincz von Lazan gesessen owff bechin et cetera. Bechin am mitwochen nach des heiligen leichnamstage anno XXVIII.