Nos magister civium, consules et scabini Maioris Civitatis Pragensis notum facimus tenore presentibus universis, quod constituta coram nobis nostro pleno in consilio Marusska, nata olim Petri Longi barbirasoris, conthoralis vero Andree dicti Czapek barbirasoris non coacta neque compulsa, sed sponte et libere resignavit et presentibus condescendendo resignat omne et totale ius suum hereditarium, quod habere dinoscitur ad domum hereditariam prefati patris sitam inter domos Barthossii barbirasoris ex una et relicte Petri similiter barbirasoris parte ab altera, necnon omnia et singula alia bona sua mobilia et immobilia nichil excipiendo predicto Andree, marito suo, sed ipsam proprius mori contingerit ad habendum, tenendum, utifruendum, vendendum, obligandum, aut cum eisdem bonis agendum, faciendum et disponendum, qualitercumque placuerit ipsius voluntati, contradiccione et impedimento amicorum prefate Maruscze, aut aliorum nullo penitus obstante. Optat tamen, quod prefatus maritus suus cum pueris, quos simul habent, pie agat tamenque per se obedientes fuerint. Actum feria II. ante Exaltacionem sancte crucis anno domini MCCCCXXV, Ffranczone carnifice magistro civium, Sdencone candelatore, Simone ab albo leone, Iankone sub stuba et cetera.