Vicarii in spiritualibus archiepiscopatus Pragensis etc. Significamus vobis d. plebano eccl. in Fridriciwilla, quod super decimis, que dari et persolui consueuerunt – per priorem et conuentum monasterii in Owyn domino .. plebano eccl. in Witichindorf, inter d. Franciscum, plebanum eiusdem eccl. in Wytichindorf, et dd. Jodocum priorem et conuentum dicti monasterii in Owyn talis videlicet interuenit concordia, quod – prior et conuentus antedicti monasterii in Owyn de curia in Druzendorf et ipsius pertinenciis pro vniuersis decimis, que de agris dicte curie possent prouenire, prenominato d. Francisco plebano et ecclesie et ipsius successoribus de dicta curia annis singulis debent dare et persoluere in duobus terminis diuisim octo sexagenas gross. den prag. et ab vlteriori solucione decimarum esse liberi et soluti. Et quia prefate partes nobis supplicare curauerunt, quatinus prescriptam ordinacionem, prout facta existit, approbare – dignaremur, igitur nos volentes informari, an per dictas octo sexag. gross. annui census prefato d. plebano et ecclesie sue pro dictis decimis sit debite satisfactum, ideo vobis – committimus, – quatinus a testibus fide dignis, qui vobis per dictas partes – fuerint nominati, – inquirere studeatis, an per solucionem dictarum octo sexag. gross. annui census pro dictis dicimis antedicto d. plebano et ipsius ecclesie debita satisfaccio inpendatur, et huiusmodi inquisicionem in scriptis – redactam nobis pro nostra informacione, quantocius poteritis, vestro sigillo clausam – remittatis. – Dat. Zittauie a, d. M^oCCCC^oXXIII^o, die decima mensis Dec.