Unsern frundlichen grus zuvor. Ersamen, wisen, liben besundern. Als wir uch am aller nehsten umb uwrn reißigen geczug, uns uf die keczer zu senden geschribin habin, sind uns soliche botschafft kommen, das wir hoffen, das des iczung nicht not sy, davon ir dann den iczund nicht durffet volriten lassen und danken uch der iczund mit ganczem vlisse und wallens auch umb uch gerne vorschulden, sunderlich wir begern van uch mit ganczem vlisse, ab des forder not thun und wir uch auch andere botschafft thun würden, das ir uns dann mit uwer macht folgit inmassen als wir uch vorgeschriben habin. Das wollen wir umb uch gerne vorschulden. Gegeben zcu Missen, am fritage nach Omninum sanctorum. Fridrich und Sigmund, gebruder, von gots gnaden herczogen zcu Sachsen und marcgrauen zcu Misszen.