Ich Margret, herrn Hanusen von Jewspicz gesessen zu Leichtenaw elichen hausfrau, bechenn menigkchleich mit dem offen briefe das mir mein lieber vatter her Wolfgang der Neydegker zu dem vorgenanten meinem mann geben hat dreu hundert phening zu rechter haimsteur nach des lanndes recht zu Osterreich und darumb verczeich, ich mich obgenante Margret gegen dem obgenanten meinen lieben vatter und seinen leib eriben das sün sind und auch hincz iren leiberiben das auch sun wernen, das ich chain züspruch nach vodrung hincz um nicht haben schol nach wil am chamerlai weis angeuer am solicher beschaiden, wann der vorgenant mein lieber vatter mit tod an leib eriben das sün wernen abgieng oder ob er rechtleich eriben schol mit urchund des briefs besigel mit des vorgenanten meines lieben mann herrn Hanusen von Jewspicz anhangunden insigel dar under ich mich vorgenante Margret verpund mit meinen treun angeuer alles das stet zehaben das oben an dem brief geschriben stet der sach ist auch geczeug durich meiner vleissigen bet willen mein lieber vetter her Hanus von Neydegk mit seinem anhangunden insigel im und semen eriben an schaden der brief ist. Geben nach Christi gepürd virczehen hundert jar darnach um dem acht und czwanczgisten jar des phincztag vor sand Vincenczen tag des heiling marirer.