Přepis regestovaného dokumentu

Durchleuchter, hochgeborner fuerste und gnediger herre! Unser behegliche, demuetige dienst sein ewrn fuerstenlichen gnaden unterteniclichen voran beraytt. Gnediger herre. Als ewr fuerstenliche gnade uns hat gegeschriben, als von der Behemen wegen et cetera haben wir ewer gnaden brief wol vernumen. Als senden wir diesen gegenwertigen unßern hawbtman Hainczen Posseck darumb czu ewrn gnaden, mit ewrn fuerstenlichen gnaden muentlichen davon czureden. Pieten wir ewr fuerstenliche wirdikeyt, gnediger herre: waz er czu diesemmal von unßern wegen aws denselben sachen redet, im des czugelawben und ewr gnade sich darynnen gnediclichen und guetlich erwaysen geruche, als wir ewrn gnaden des genczlichen wol zugetrawen. Daz wollen wir umb ewre fuerstenliche gnade allczeit untertenycleichen verdinen. Geben an Allerheiligen tage anno domini et cetera xxiiii°. Der Rat czu Eger.