Papež IDEvžen IV. (Eugenius, episcopus servus servorum dei) uděluje odpustky za spásu duše zkracující očistec o 100 dní (centum dies) všem věřícím, kteří navštíví dominikánský IDkostel svatého Ducha v IDPlzni (domus sancti spiritus in Nova Plsna, ordinis praedicatorum, Pragensis diocesis), jež byl spolu s klášterními stavbami zpustošený a pobořený během husitských válek (per perfidos hussitas, haereticos), v době, kdy se konají oslavy výročního svátku: Narození Páně (nativitatis) 25. prosince, Obřezání Páně (circumcisionis) 1. ledna, Zjevení Páně (epiphaniae) 6. ledna, Zmrtvýchvstání Páně (resurrectionis), Nanebevstoupení Páně (ascensionis), Těla a Krve Páně (corporis domini nostri Iesu Christi) 16. června, Seslání Ducha svatého (pentecostes), Narození Panny Marie 8. září (in nativitatis), Zvěstování Panně Marii 25. března (anuntiationis), Očišťování Panny Marie (purificationis) 2. února, Nanebevzetí Panny Marie 15. srpna (assumptionis beatae virginis Mariae), Narození Jana Křtitele 24. června (nativitatis beati Joannis Baptistae), svatých Petra a Pavla (dictorum Petri et Pauli apostolorum) 29. června, Nejsvětější Trojice (ac sanctissimae trinitatis), zasvěcení kostela (ipsius dedicationis festivitatibus), Všech svatých 1. listopadu (celebritate omnium sanctorum), a budou po dobu pomáhat s jeho obnovou po dobu 4 do 40 let (quatuor annos et totidem quadragenas), v oktávy (octavarum vero) či následujících 6 dní po Seslání Ducha svatého (per sex dies dictam festivitatem pentecostes), nebo přispějí na jeho obnovu.
Eugenius, episcopus servus servorum dei, universis Christi fidelibus, praesentes literas inspecturis, salutem et apostolicam benedictionem. Licet is, de cuius munere venit, ut sibi a suis fidelibus digne et laudabiliter serviatur, de abundantia suae pietatis, quae merita supplicum excedit et vota bene servientibus sibi multa maiora retribuat, quam valeant promereri, nihilominus desiderantes reddere deo populum acceptabilem et bonorum operum sectatorem, fideles eosdem ad complacendum ei, quasi quibusdam ablectionis muneribus indulgentiis videlicet et remissionibus invitamus, ut exinde reddantur divinae gratiae aptiore. Cum itaque, sicut accepimus, domus sancti spiritus in Nova Plsna, ordinis praedicatorum, Pragensis diocesis, cum ecclesia et pertinentiis suis propter guerrarum turbines et alias calamitates, quae partes illas diutius concusserunt per perfidos hussitas, haereticos, catholicae fidei inimicos, in suis aedificiis ac structuris, adeo desolatae et destructae existant, quod nisi de oportuno reparationis subsidio eisdem subveniatur, penitus corruent, illamque fratres inibi degentes deserere et divinum cultum hactenus altissimo laudabiliter impensum negligere cogantur, nos cupientes, ut ecclesia ipsa congruis honoribus frequentetur et in suis ac dictae domus aedificiis et structuris huiusmodi, necnon alicibus, libris, caeterisque ornamentis pro divino cultu necesariis, quibus egere prospicitur, decenter reparetur, atque conservetur, ut Christi fideles eo liberius ad illam ac reparationem et conservationem huiusmodi, manus promptius porrigant adiutrices, quo ex hoc ibidem dono coelestis gratiae uberius conspexerint se refectos, de omnipotentis dei misericordia et beatorum Petri et Pauli apostolorum, eius autoritate confisi, omnibus vere poenitentibus et confessis, qui nativitatis, circumcisionis, epiphaniae, resurrectionis, ascensionis et corporis domini nostri Iesu Christi, pentecostes, necnon in nativitatis, anuntiationis, purificationis et assumptionis beatae virginis Mariae et nativitatis beati Joannis Baptistae, dictorum Petri et Pauli apostolorum ac sanctissimae trinitatis et ipsius dedicationis festivitatibus et celebritate omnium sanctorum necnon per ipsarum nativitatis, circumcisionis, epiphaniae, resurrectionis, ascensionis et corporis domini, ac nativitatis et assumptionis beatae Mariae virginis, nativitatisque sancti Joannis et apostolorum Petri et Pauli praedictarum festivitatum octavas et per sex dies dictam festivitatem pentecostes immediate sequentes, praefatam ecclesiam devote visitaverint annuatim et ad reparationem et conservationem huiusmodi manus adiutrices porrexerint, singulis videlicet festivitatum et celebritatis, quatuor annos et totidem quadragenas, octavarum vero et sex dierum praedictorum diebus, quibus ecclesiam praedictam visitaverint, ad reparationem et conservationem huiusmodi manus auxiliatrices porrexerint, ut praefertur, centum dies de iniunctis eis poenitentiis misericorditer eis relaxamus, praesentibus post viginti annos minime valituris. Volumus autem, quod si alias visitantibus ecclesiam aut ad reparationem seu conservationem huiusmodi manus adiutrices porrigentibus vel alias inibi elemosinas errogantibus seu alias aliqua alia indulgentia in perpetuum vel ad tempus duratura per nos concessa fuerit, huiusmodi praesentes literae nullius sint roboris vel momenti. Datum Romae apud sancti Petrum anno MCCCC tricesimo secundo, die decimo quinto aprilis, pontificatus nostri anno secundo.