Veřejný notář IDJan Mareš z IDKovářovic (Johannes olim Marssonis de Kowarzowicz, clericus Pragensis diocesis, imperiali auctoritate publicus notarius) potvrzuje, že byl IDMikuláš z IDHradce (Nicolai clerici de Nouocastro predicte Pragensis diocesis), v nepřítomnosti zastoupený farářem IDVáclavem z IDČerníče (Wenceslaum plebanum in Czernitz), pověřen prokurátorem IDMatyášem, farářem v IDČeském Krumlově (Mathie plebani ibidem), a podprokurátorem IDPřibíkem z IDBoletic (Przibiconem rectorem parochialis ecclesie in Boleticz, tunc presentem tamquam subexecutorem) správou farnosti v IDKájově (ecclesiam parochialem in Kayow), uvolněné po smrti ctihodného IDErtlína, posledního a bezprostředního rektora onoho kostela (Ertlini, ipsius ecclesie legittimi ultimi et inmediati rectoris). Dosvědčuje, že zastoupení bylo ověřeno skrze notářský instrument IDMikuláše (Nicolai), dříve IDDiviše z IDPrachovic (quondam Dywissii de Prachowicz clerici Luthomislensis diocesis, imperiali auctoritate notarii publici) a za souhlasu opata a konventu cisterciáckého kláštera ve IDZlaté Koruně (abbatis et conuentus sancte corone ordinis cisterciensium sepedicte Pragensis diocesis), a že vše proběhlo před svědky a za stanovených regulí; jak předání úřadu, přidělení klíčů ke kostelu, vstupu do kostela za zpěvů Tebe Bože chválíme, Zdrávas Královno a Za mír („Te deum laudamus“ cum antiphona „Salue regina" et alia „Pro pace"), slib zvoníka IDMrakeše (Mrakssonis, pro tunc campanatoris ibidem).
- IDJašek z IDPacova (Jakssone de Paczow)
- IDHašek z IDČernovic (Hasscone de Czrnowicz)
- IDŠtěpán ze IDSepekova (Stephano de Sepekow ecclesiarum plebanis)
- IDMatyáš, kaplan (Mathia capellano)
- IDJan, rektor školy v IDČeském Krumlově (Johanne rectore scolarum in Crumpnaw)
- IDAlexandr, kaplan v IDČeském Krumlově (Allexio capellano in Crumpnaw)
- IDFilip (Philippo)
- IDVáclav (Wenceslao)
- IDMatyáš z IDKladna (Mathia de Kladny plebesianis ecclesie in Kayow)
- A: SOA Třeboň; SOkA Český Krumlov; Archiv prelatury; sign. B 19 Jusko B 53; aktuální uložení neověřeno
In nomine domini amen. Anno natiuitatis eiusdem millesimo quadringentesimo vicesimo quinto, indiccione tercia, die vero vicesima mensis septembris, hora meridiei uel quasi, pontificatu sanctissimi in Christo patris et domini domini Martini, digna dei prouidencia pape quinti, anno ipsius octauo, in ciuitate Crumpnaw in curia honorabilis domini Mathie plebani ibidem et in pallacio estiuali, Pragensis diocesis, in mei notarii publici infrascripti testiumque presencia subscriptorum ad hoc vocatorum specialiter et rogatorum constitutus personaliter honorabilis vir dominus Mathias plebanus supradictus, procurator et nomine procuratorio discreti Nicolai clerici de Nouocastro predicte Pragensis diocesis, habens mandatum ac plenam et liberam potestatem ad acceptandum pro ipso Nicolao et eius nomine beneficium ecclesiasticum vacans uel vacaturum, pertinens seu spectans ad collacionem, presentacionem seu quamuis aliam disposicionem honorabilium et religiosorum virorum domini abbatis et conuentus sancte corone ordinis cisterciensium sepedicte Pragensis diocesis necnon ad omnia et singula alia gerenda, facienda et exercenda, que fuerint quomodolibet oportuna, prout de ipsius procuracionis mandato per instrumentum publicum manu Nicolai quondam Dywissii de Prachowicz clerici Luthomislensis diocesis, imperiali auctoritate notarii publici, confectum clarius apparebat, virtute cuius mandati et litterarum apostolicarum ac processuum inde secutorum, quos tunc in suis tenebat manibus, ecclesiam parochialem in Kayow vacantem per mortem honorabilis domini Ertlini, ipsius ecclesie legittimi ultimi et inmediati rectoris, cum protestacione debita, si et inquantum ipsi Nicolao et non alteri de iure debetur, in dei nomine acceptauit, moxque eadem hora et loco non valens ex certis causis adire ecclesiam ipsam in Kayow pro arripienda et adipiscenda reali et corporali posessione, honorabilem dominum Wenceslaum plebanum in Czernitz ibidem presentem loco sui et mandatum in se sponte suscipientem ad omnia et singula, que habet a dicto domino Nicolao clerico in mandatis, substituit. Quiquidem dominus Wenceslaus sic substitutus statim cum litteris apostolicis et processibus inde secutis honorabilem dominum Przibiconem rectorem parochialis ecclesie in Boleticz, tunc presentem tamquam subexecutorem, in generali clausula in processibus contentum petiuit, monuit ac requisiuit, ut sibi in ipsa ecclesia in Kayow et in dote eiusdem nomine Nicolai clerici supradictam traderet realem et corporalem posessionem ac ipsum ad eandem nomine quo supra investiret, presentibus ibidem honorabilibus viris et magistris Jakssone de Paczow, Hasscone de Czrnowicz, Stephano de Sepekow ecclesiarum plebanis, Mathia capellano et Johanne rectore scolarum in Crumpnaw testibus ad premissa fide dignis. Ipse uero dominus Przibico tamquam obediencie filius volens exequi mandatum apostolicum et executoris prenobilis, ut tenetur, sine dilacione eadem die hora vesperorumu el quasi prefatam ecclesiam in Kayow unacum domino Wenceslao procuratore substituto et mecum notario publico infrascripto personaliter adiens et ante fores ecclesie ipsius stans sepedictum dominum Wenceslaum per assignacionem clauium ad ipsam ecclesiam investiuit, sibi in eadem realem et corporalem possessionem assignando, intrantesque ecclesiam „Te deum laudamus“ cum antiphona „Salue regina" et alia „Pro pace" decantauimus, quas ipse dominus Wenceslaus conclusit cum versiculis et collectis consuetis. Ibidem eciam in sacristia ipse dominus Przibico subexecutor ipsi domino Wenceslao procuratori ornatum et alia ornamenta ecclesie tradidit et assignauit in signum realis posessionis, que omnia dominus Wenceslaus procurator predictus suscipiens mox dedit, tradidit et assignauit ad manus Mrakssonis, pro tunc campanatoris ibidem, ad seruandum et custodiendum, recepto prius ab eo manu stipulanti promisso fidelitatis. Hiis completis extra ecclesiam ad dotem ipsius intrauimus, in qua antedictus dominus Przibico per assignacionem clauis ipsi domino Wenceslao veram, realem et corporalem detis ipsius tradidit posessionem. Ad viridarium seu pomerium insuper intrantes poma in eodem carpsimus et tulimus ac recessimus peragentes in hiis omnibus et singulis actibus suprascriptis nullo penitus reclamante seu alias contradicente. Super quibus omnibus et singulis premissis prefatus dominus Wenceslaus procurator substitutus peciit sibi per me notarium publicum infra scriptum unum uel plura, si opus fuerit, publicum seu publica confici instrumentum ac instrumenta. Acta sunt hec anno, indiccione, die, horis et locis, mense et pontificatu, quibus supra, presentibus ibidem discreto viro Allexio capellano in Crumpnaw ac prouidis Philippo, Wenceslao et Mathia de Kladny, plebesianis ecclesie in Kayow antedicte, testibus circa premissa fidedignis.
Et ego Johannes olim Marssonis de Kowarzowicz, clericus Pragensis diocesis, imperiali auctoritate publicus notarius, quia predicte acceptacioni, procuratoris substitucioni, monicioni, requisicioni, posessionis realis arrepcioni omnibusque aliis et singulis suprascriptis, dum, sicut premittitur, fierent, unacum prenominatis testibus presens interfui, eaque omnia channes et singula sic fieri vidi et audiui, ideoque mea propria conscripsi manu et in hanc publicam formam redegi signo quoque et nomine meis solitis et consuetis consignaui rogatus et requisitus in fidem et testimonium omnium et singulorum premissorum.