Přepis regestovaného dokumentu

In nomine Domini amen. Anno nativitatis eiusdem millesimo quadringentesimo vicesimo sexto, indiccione quarta et die quarta mensis magii, hora nonarum, pontificatus sanctissimi in Cristo patris et domini nostri, domini Martini, divina providencia pape quinti, anno eius nono, in preurbio civitatis Crumpnaw et monasterio fratrum minorum et estuario secundo minori, Pragensis diocesis in mei notarii publici infrascripti et testium presencia subscriptorum ad hoc specialiter vocatorum et rogatorum constituti personaliter venerabilis et religiosi viri pater et dominus Przibislaus abbas et Andreas prior, Sigismundus cellerarius, Sigismundus subprior, Leonardus, Cristanus, Litoldus, Gregorius, Petrus et Paulus presentes et tunc ibidem degentes ordinis ciscerciensis et professi monasterii Altivadensis dicte Pragensis diocesis ad vocacionem fratris Andree prioris surpadicti congregati, prefatus dominus Przibislaus abbas non compulsus, non minis vi fraude vel dolo .…vetus sed ultrosponte et benivole in presencia supradictum fratrum et conventualium ad interrogacionem fratris Andree prioris, supradicti nomine suo et conventus supradicti factam abbaciam seu officium pastoratus, cui eatenus interfuit in monasterio Altivadensi supradicto in manus dictorum fratrum et conventus libere resignavit causas que sue resignacionis subiungendo ac propter sen….. etatem suam decrepitam ac descitucionem virium suarum eadem officio suo morem, formam et debitum ordinis sui supradicti pre esse non posset vel…. nec valetur et propter certas premissas in eodem officio constitutus plus posse officere quam prodesse. In cuius resignacionis iudicium et evidenciam clariorem sigillum abbaciale idem frater Przibislaus cum literis sue confirmacionis ad officium pastoratus sui supradicti habitis et obtentis ipsis fratribus conventualibus tunc benivole et sine qualibus revitenciam resignavit, quam resignacionem supradicti fratres conventuales audientes et causas resignacionis superius expressatas diligentur perpendentes sufficienti previa deliberacionem, sic ut premittitur fratres unanimiter admiserunt ratificaverunt ratam et gratam habere volverunt et eidem nullo discrepante concorditur consenserunt. Super quibus tam resignacionis ac quam resignacioni consencientes pecierunt sibi per me notarium publicum infrascriptum unum vel plura seu quotquot forent necessaria publicum instrumentum seu publica instrumenta. Acta sunt hec anno, indiccione, mense, die, hora, potificatu et loco, quibus supra. Presentibus ibidem ….. et religiosis fratribus Jacobo gwardiano monasterii in Crumpnaw ordinis sancti Francisci, Frankone confesori nonnalium, Theodrico, Petro ….. et Wenceslao sacristiano ordinis minoris testibus in premissis.

Et ego Johannes natus Nicolai de Stropnicz Pragensis diocisis publicus apostolica et imperiali auctoritate notarius predictis resignacionem et resignacionis consensionem omnibusque aliis et singulis dum, sic ut premittitur fierent et agerentur una cum prenominatis testibus presens interfui omniaque et singula sic fieri vidi et audivi aliisque ordinis, mei offici nunccupatus negociis per alium fideliter scribi procuravi et in hanc publicam formam redegi signoque et nomine meis solitis ac consuetis consignavi rogatus et requisitus in fidem et testimonium omnium premissorum et ad maior et clarioris testimonium evidenciam tam abbas resignaciones quam conventus resignacionem consenciens sigilla sua presentibus appenderunt.