Administrátoři pražské arcidiecéze (administratores in spiritualibus archiepiscopatus Pragensis) Šimon z Nymburka, arcijáhen v Boleslavi (Simon de Nymburga decretorum doctor, archidiaconus Boleslauiensis in dicta ecclesia Pragensi), a Jan z Dubé, pražský kanovník (Johanko de Duba, canonici eiusdem ecclesie Pragensis), potvrzují volbu Mikuláše Jindřichova z Prahy (Nicolaus Henrici de Praga, archidiaconus Pragensis) na post pražského probošta k věčné slávě všemohoucího Boha a patronů svatého Víta, svatého Václava, svatého Zikmunda, svatého Vojtěcha, svatého Prokopa, svaté Ludmily a dalších svatých (ad gloriam dei omnipotentis et beatorum patronorum Viti, Wenceslai, Sigismundi, Adalberti, Procopii, sancte Ludmille et aliorum sanctorum), což má být vyhlášeno v kostele svatého Jana Křtitele v Žitavě (in ecclesia parrochiali sancti Johannis Baptiste in Zittauia Pragensis diocesis) předepsanou formou podle práva a spravedlnosti, ustanoven byl v zastoupení svým prokurátorem Pavlem (Paulus procurator). Činí tak z důvodu, protože po smrti olomouckého biskupa Kuneše ze Zvole (Cunczonis episcopi Olomucensis ipsius ecclesie Pragensis administratoris) byl na jeho místo ustanoven Pavel z Miličína (Paulus de Miliczin), kvůli čemuž se uvolnilo místo pražského probošta, a funkce s tím spojené vykonával arcijáhen pražský Mikuláš Jindřichův z Prahy, boleslavský probošt Jindřich Šlik (magister Henricus Schlik Boleslauiensis), litoměřický probošt Konrád (magister Conradus Lithomericensis), probošt od kostela Všech svatých na Pražském hradě Prokop Vilémův z Prahy (Procopius Wilhelmi de Praga Omnium Sanctorum in castro Pragensi ecclesiarum prepositi), kanovníci Mikuláš Ubaldini (Nicolaus Vbaldini), František z Jevíčka (Ffranciscus de Gewiczka) a Blažej Třemošnický ze Slaného (Blasius Tremossnicz de Slana): Mikuláš (Nicolai), Henzlín (Henzlini), Pavel z Prahy (magistri Pauli de Praga), Václav (Wenceslai), Sidlín z Brna (Suidlini de Bruna), Martin z Kroměříže (Martini de Cremsierz), Petr z Račic (Petri de Raczicz) a Ctibor z Hradce (Ctiborii de Radecz) se kvůli panujícímu nebezpečí mohli sejít u kaple svatého Petra ve Vídni (ad cappellam sancti Petri ibidem in Wyenna), kde z pověření basilejského koncilu (in constitucione sacri concilii Basiliensis) jednohlasně zvolili (unanimiter assumpto) novým pražským proboštem zmíněného Mikuláše Jindřichova z Prahy, který volbu přijal; následně vyhlásil Jindřich Šlik, zlistinil (ex instrumento publico) veřejný notář Michal, syn Petra z Hradiště (Michaelem quondam Petri de Rediss clericum Olomucensis diocesis publicum imperiali auctoritate notarium) a kontrasignoval Pavel z Holubic (Paulum de Holubicz). Administrátoři nařizují, aby byl z výše uvedených příčin Mikuláš a jeho ustanovený prokurátor Pavel přijati se všemi právy s účinností 6 dní (sex dierum) od vyhotovení této listiny. S ohledem na panující nebezpečí, které jim neumožňuje dohledu nad výše uvedeným, svěřují zmíněného Mikuláše opatům, proboštům, převorům, děkanům, arciděkanům, scholastikům, kustodům, plebánům, viceplebánům, městským veřejným notářům, diecézi a pražské provincii (abbatibus, prepositis, prioribus, decanis, archidyaconis, scolasticis, custodibus, plebanis, viceplebanis ecclesiarum quoque et capellarum rectoribus ac notariis publicis per ciuitatem, diocesim ac provinciam Pragensem constitutis), aby mu byli ve výkonu jeho služby nápomocni. Konečně toto zlistinění potvrzuje veřejný notář Petr, syn Matěje z Mokrska (Petrus natus quondam Mathie de Mokrssko, clericus Crakouiensis diocesis, publicus imperiali auctoritate notarius).
- Hanconus z Brozan (Hancone in Brozan)
- Ondřej ze Žibřidovic (Andrea in Ziffridiuilla ecclesiarum plebanis)
- Jan z Ústí nad Labem (Johanne de Vsk clerico)
- Pražská arcidiecéze: sigillum.vicariatus.ecclesie.archiepiscopatus pragensis; červená v misce z přírodního vosku; přivěšená na pergamenovém proužku
- A: SOA Třeboň; SOkA Český Krumlov; Archiv prelatury; sign. B 1 Jusko B 57; aktuální uložení neověřeno
Reuerendissimo in Christo patri et domino domino archiepiscopo Pragensi apostolice sedis legato, qui pro tempore fuerit, necnon venerabilibus et circumspectis viris dominis ... decano scolastico, archidyacono, custodi singulisque prelatis, canonicis et capitulo ecclesie Pragensis necnon pensionariis, reddituariis, prouisionariis censitis ac subditis prepositure ecclesie Pragensis predicte et illis, ad quos eiusdem prepositure communiter uel diuisim recepcio pertinet, ceterisque omnibus, quorum interest uel interesse poterit, quomodolibet in futurum. Simon de Nymburga decretorum doctor, archidiaconus Boleslauiensis in dicta ecclesia Pragensi, et Johanko de Duba, canonici eiusdem ecclesie Pragensis, administratores in spiritualibus archiepiscopatus Pragensis sede vacante per mortem reuerendi in Christo patris domini Cunczonis episcopi Olomucensis ipsius ecclesie Pragensis administratoris per sedem apostolicam deputati, nomine dominorum decani, canonicorum et capituli ipsius ecclesie Pragensis et per ipsum capitulum instituti, nominati et ordinati, salutem in domino et presentibus fidem indubiam adhibere. Nouerit igitur vestra uniuersitas, quod vacante prepositura ecclesie Pragensis prescripta ex eo, quod reuerendus in Christo pater dominus Paulus de Miliczin ultimus et inmediatus rector eiusdem ad dictam ecclesiam cathedralem Olomucensem post mortem dicti domini Cunczonis existit per sedem apostolicam promotus et confirmatus ac sacram recepit quam ecclesiam regit absque impedimento, venerabiles viri domini Nicolaus Henrici de Praga, archidiaconus Pragensis, magister Henricus Schlik Boleslauiensis, magister Conradus Lithomericensis, Procopius Wilhelmi de Praga Omnium Sanctorum in castro Pragensi ecclesiarum prepositi, Nicolaus Vbaldini, Ffranciscus de Gewiczka et Blasius Tremossnicz de Slana, dicte ecclesie Pragensis canonici prebendati in exilio degentes, suo ac honorabilium virorum dominorum hincinde dispersorum videlicet: Nicolai, Henzlini, magistri Pauli de Praga, Wenceslai, Suidlini de Bruna, Martini de Cremsierz, Petri de Raczicz et Ctiborii de Radecz, similiter dicte ecclesie Pragensis canonicorum, nomine, qui eciam in exilio degunt et de ipsorum certificati intencionibus et vocibus conuenientes nuper in Wyenna Pathawiensis diocesis, cum ad alium locum securiorem et propinquiorem diocesis Pragensis propter diuersa et pericula inminencia conuenire et congregari non poterant, transferentes se ad cappellam sancti Petri ibidem in Wyenna dicte Pathauiensis diocesis in foro pullorum nunccupatam pro capitulo habendo, diuersisque tractatibus ibidem prehabitis de futuri prepositi Pragensis eleccione fienda, que est dignitas principalis et electiua eiusdem ecclesie post pontificalem, ante omnia officio misse de sancto spiritu premisso sacre quoque eukaristie sacramento percepto iuramentis debitis in constitucione sacri concilii Basiliensis circa electiones faciendas constitutis et expressis factis et prestitis, descendentes ad sacristiam eiusdem capelle prefato domino Nicolao archidyacono ad presidendum eidem capitulo unanimiter assumpto, constituto et ordinato omnes unanimiter et una uoce, nemine discrepante, vota sua, ut presumitur, spiritu sancto inspirati, in personam prenominati domini Nicolai archidyaconi moribus, probitate et uirtutum meritis ac litterarum sciencia preditum in spiritualibus et temporalibus plurimum circumspectum et alias habilem et ydoneum iuxta canonicas sanctiones, ipsius attentis meritis vota sua direxerunt et ipsum presentem, audientem et intelligentem per organum vocis prenominati magistri Henrici Schlik in prepositum dicte ecclesie Pragensis elegerunt et eligere curauerunt et huiusmodi eleccione facta et per ipsos approbata eidem intimauerunt et publicauerunt et ad suscipiendum eandem eleccionem et preposituram huiusmodi eidem supplicarunt, prout eandem idem dominus Nicolaus electus, nolens contraire diuine voluntati, humiliter suscepit et curauit suscipere, prout de hiis omnibus ex instrumento publico per Michaelem quondam Petri de Rediss clericum Olomucensis diocesis publicum imperiali auctoritate notarium confecto signoque et nomine ipsius solitis consignato coram nobis per discretum virum Paulum de Holubicz, dicti domini Nicolai procuratorem legitimum, exhibito constabat euidenter. Cum autem per prenominatos dominos canonicos ad dicte prepositure eleccionem quoad personam ipsius domini Nicolai sit rite, deifice et racionabiliter processum, singula quoque ad huiusmodi eleccionem de iure statutis et constitucionibus spectancia et pertinencia sint debite obseruata, fuit nobis per prenominatum Paulum procuratorem pro parte eiusdem domini Nicolai electi humiliter et cum instancia debita supplicatum, quatenus dictam eleccionem, sicut premittitur, factam ac sancte et iuste celebratam ad gloriam dei omnipotentis et beatorum patronorum Viti, Wenceslai, Sigismundi, Adalberti, Procopii, sancte Ludmille et aliorum sanctorum ad bonorem approbare, ratificare, auctorizare et auctoritate ordinaria confirmare eundemque electum ad preposituram huiusmodi instituere et confirmare ac curam et administracionem in spiritualibus et temporalibus eiusdem prepositure eidem committere et ad alia circa hoc necessaria nostro ex officio procedere et ad eandem eleccionem tamquam ipsius ecclesie Pragensis membra et canonici consentire graciose dignaremur. Nos premissis omnibus et singulis visis et sane intellectis maturaque deliberacione prebabita et iuxta dictum apostoli, nemini cito manum imponi docentis, ad premissa volentes iuris obseruato ordine procedere, de dicta eleccione et persona electa ac de aliis premissis in ecclesia parrochiali sancti Johannis Baptiste in Zittauia Pragensis diocesis, ubi officia nostra exercentes in exilio habitare dinoscimur et commoramur, cum ad dictam ecclesiam Pragensem tutus non pateat accessus, cridam seu proclamacionem fieri fecimus et mandauimus diem certam omnibus, qui se dictis eleccioni et persone electe opponere aut contra easdem eleccionem et personam electam dicere et allegare vellent, pro termino peremptorio statuentes. Quo quidem termino veniente Paulus procurator eiusdem domini electi preseriptus coram nobis in iudicio personaliter comparens litteras nostras cride sen proclamacionis cum ipsarum debita execucione iuxta termini exigenciam exhibuit et produxit contumaciamque omnium et singulorum, quorum interest uel interesse poterit, quomodolibet in futurum non comparencium nec contra premissa dicencium accusauit, petens ipsos contumaces reputari et nomine procuratorio, quo supra, eleccionem prescriptam, prout rite facta existit, quoad preposituram predictam in persona ipsius domini Nicolai electi approbari, ratificari, auctorizari et confirmari ac ad alia ad hec pertinencia iuxta nostri officii exigenciam gradatim et successiue procedi iure suadente et iusticia exigente. Cuius quidem Pauli peticionibus tamquam iustis, racionabilibus et iuri consonis fauorabiliter inclinati omnibus et singulis, quorum interest, non comparentibus nec quidquam contra premissa reputatis ab eodem Paulo procuratore receptis debitis iuramentis, saluis aliis premissis, que ipse dominus electus circa sui recepcionem in ecclesia Pragensi prestare tenebitur ac seruatis seruandis, que de iure et consuetudine erant seruanda, ante omnia sepedictam eleccionem, prout facta existit, approbantes, ratificantes, auctorizantes et confirmantes ac ad eandem nostris vocibus tamquam canonici dicte ecclesie datis et nobis ad id accedentibus et consencientibus ipsum dominum Nicolaum in persona eiusdem Pauli procuratoris sui legitimi ad dictam preposituram instituimus et confirmauimus ac presentibus instituimus et confirmamus, rectoremque et prepositum eiusdem prepositure constituimus ac de ipsa cum omnibus iuribus et pertinenciis suis de eadem inuestiuimus et presentibus inuestimus, curam et administracionem spiritualium et temporalium ipsius prepositure eidem committimus ad realemque et corporalem posessionem eundem admittimus sibi de ipsa prepositura melioribus modo, via, iure et forma, quibus de iure fieri poterit et debet, nostro ex officio prouidimus et presentibus in dei nomine prouidemus ac inuestimus de eadem. Que omnia et singula superius descripta vobis dominis supradictis intimamus, insinuamus ac ad vestram et cuiuslibet viri noticiam deducimus et deduci volumus per presentes. Volentes nichilominus et mandantes, ut ipsum dominum Nicolaum aut procuratorem suum eius nomine in prepositum vestrum et dicte ecclesie Pragensis recipiatis et fraterne pertractetis sibique aut procuratori suo de ipsius prepositure fructibus, redditibus, prouentibus, censibus et iuribus uniuersis predicte prepositure plene et integre respondeatis et infra spacium sex dierum a notificacione presencium, quos vobis pro monicione canonica prefigimus et assignamus, respondere curetis cum effectu, alioquin in contradictores quoslibet et rebelles premissorum dicta monicione canonica preuia exnunc prout extunc excommunicacionis et in ipsam ecclesiam Pragensem interdicti sentencias ferimus et eciam promulgamus in hiis scriptis, absolucionem et execucionem ulteriorem processuum nobis aut nostris successoribus reseruantes. Ceterum cum ad execucionem ulteriorem premissorum propter euidencia pericula et ex aliis causis procedere non possimus nec valeamus, ideo uniuersis et singulis dominis abbatibus, prepositis, prioribus, decanis, archidyaconis, scolasticis, custodibus, plebanis, viceplebanis ecclesiarum quoque et capellarum rectoribus ac notariis publicis per ciuitatem, diocesim ac provinciam Pragensem constitutis, ad quos presentes peruenerint uel qui presentibus fueritis requisiti seu fuerit requisitus, committimus presentibus ac in uirtute sancte obediencie et sub excommunicacionis pena districte percipiendo mandamus, quatenus infra tres dies a vestra requisicione continue conputandos, postquam per eundem dominum prepositum aut pro parte ipsius requisiti fueritis, ipsum uel procuratorem suum in corporalem et realem posessionem dicte prepositure iuriumque et pertinencium ipsius inducatis et defendatis inductum, contradictores quoslibet et rebelles conpesceudo nostra auctoritate ecclesiasticam per censuram. In quorum omnium et singulorum premissorum fidem et testimonium presentes litteras per Petrum, notarium publicum infrascriptum et nostri officii scribam, fieri, scribi et publicari mandamus sigillique vicariatus archiepiscopatus Pragensis, quo ad presens utimur, appensione iussimus communiri. Datum et actum Zittauie in domo nostre habitacionis anno domini millesimo quadringentesimo tricesimo quinto, indiccione tredecima, die XVI mensis Augusti hora quasi vesperorum, pontificatus sanctissimi in Christo patris et domini nostri domini Eugenii diuina prouidencia pape quarti anno quarto, presentibus ibidem honorabilibus dominis Hancone in Brozan, Andrea in Ziffridiuilla ecclesiarum plebanis, Johanne de Vsk clerico et aliis circa premissa fide dignis.
Et ego Petrus natus quondam Mathie de Mokrssko, clericus Crakouiensis diocesis, publicus imperiali auctoritate notarius necnon dictorum dominorum administratorum et coram ipsis scriba, quia predictarum litterarum exhibicioni, eleccioni, approbacioni, institucioni, confirmacioni, inuestiture omniumque premissorum presens interfui eaque omnia et singula sic fieri vidi et audiui ac manu propria conscripta in hanc publicam formam redegi signoque et nomine meis solitis et consuetis unacum appensione sigilli vicariatus archiepiscopatus Pragensis de dictorum dominorum mandato consignaui requisitus et rogatus in fidem et testimonium omnium premissorum.