Přepis regestovaného dokumentu

Eodem die Am Freitage vor Judica 1425 ist vor uns komen Jacob Tilke in vermundeschaft Barbaran seiner hausfrauen und hat bekant von seiner und derselben Barbaren siner husfrauen und iren erben wegen, das im Peter Mies gancze volkomene und gute rechenunge getan hat von allen gutern von kauffenschacz, barschaft adir welchirley die weren, und wie man die mit besundern worten nennen mag, von Peter Mezerzicz und Peters seines sones wegen, als das im wol genugit, ausgenomen die guter, die nach in Behem sent. Und sagete en von derselben gutern wegen, welchirley die sent, gancz ledig und loes, und gloubte en dorumb furbasmer nymmer anczusprechen nach anczulangen geistlich nach wertlich nach in keynerweis. Auch so sagte doselbinst vor uns der egenante Jacob Tile von seiner Barbaren seiner hausfrauen und iren erben wegen, queit, ledig und loes von derselben güter und allir geschefte wegen des obengenanten Peters Mezeczicz und Peters seines sones, alse rechte gescheftleute, den strengen herrn Nicolaen von Lobkowicz, Petern Mies, Albrecht Camerer, Casparn Peyerliik, Wenczlawen Stupen und Marcus Schotter, auch ausgenomen die guter, die nach in Behem sent, und gloubte sie auch dorumb furbasmer nymmer anczulangen ut supra.