Přepis regestovaného dokumentu

Paulus saget, meister Johanns son, das Petrus von meynem herrn deme marggrafen komen ist, der schreibet … kurfursten am donrstage zu Egre seyn wellen, der marggraff der … von Wurczburg, der von Bamberg, der von Triraw, der von … icht, sunder her sendet 100 spiese und seynen anslag … vil leute uff ire eigne zerunge und der herzog von … und alle kurfursten macht zihn zu hauffe, uff das sie destir … werde und begeren, dor die Slezien fursten in auch zuzihn, wenne … markgrafe sein speer zu Prage gehabt hat und bey den hussen, die es auch also ganz vorhaben, welche die irsten im felde zu Behem sein, ap sie mogen, die wellen sie yo bestreiten. Dorumme so rottet der marggrafe, das es bessir sey an eyme teile gestrieten, wen an zwen adir dreyen dovon gewichen. Und was den fursten doruff zu synne ist, das mogen sie in, den kurfursten, schreiben, ap sie streiter und zuzoger mit … warten sullen. Got gebe uns allen heyl und glucke. So wil meyn herre der marggrafe trostlichen an sie seyne tage ane zweifel an in, als her das zu gote getrauet, irlengen, das im eyn iglicher cristen mensch von gote sundirlichen gnade irwerben und vor in und alle andere diesir sachen helffere umme gnade und hulffe bitten sal. Und were wol geraten, zo wir andachtige prelaten hetten, das die deme gemeynen folke alle sontage verkundigten, das die got beten vor sulche herren, uff das die hussen noch sulcher slachtunge, als das volk holoferni noch seyner enthauptunge, von sulchem irem grossem gemuthe und streithaftigen rate dan ganz dovon entsaczt werden. Amen.

Johannes Bawde.