Přepis regestovaného dokumentu

Der rat zu Eger. Hochgeporner furste und gnediger here! Unser undertenigen demütigen dienst und was wir beheclichlit vermügen sin uwerii fürstenlichen gnaden alzit voranwillig bereit. Gnediger here! Also uwer gnadeliht wol mag vernomen haben, wie das die unglaubigen wiclefisten und ketzer in Beheimen jetzend etvos lange in grossen samnungen sind gelegen und noch ligen und sich teglicht noch mehtliche sterken und uns kumt von unsern güten nochgepuren und frunden alle tage botschaft und warnungen, das sú in uberwalt herusfurn, uns und ander stette rucken und sich erbeitten meinen, das wir tegeliche wartende sin; und den wir mit gotz, uwer gnaden und ander fursten, heren, ritter, knechte und frunde hulffe widersten und widersetzen wellen, also verre, wir können und mügen. Und bitten uwr fúrstenlich gnade, gnediger here, obe sich ein solichs machen würde, das uwer gnade, zu vorderst got, den heiligen glouben, und die cristenlich kirchen, unsern aller gnedigesten herren, den romischen et cetera kunig und unser undertennigen dienst darume ansehen und uns mit uwer gnaden maht zü hulffe und rettungen komen welle. Des glichen wir andern fursten und heren ouch geschriben und si gebetten haben, wanne sich mugelichen die gantz cristenheit in den sachen bewegete und sich solich ketzery widersetzen und uwer gnade sich darinne gnedeclich erwisen gerüche. Aso wir alzit besunder zü uwern gnaden gantz getruwen und züversiht haben, das wellen wir uwern furstenlichen gnoden vor unserm gnedigesten heren kunge in gantzem truwen dancken und dez umb uwer furstenliche wurdekeit alzit demüteclichen verdienen. Uwer gnedige antwurt bitten wir beschriben. Geben am dunrestage nehst vor Georii, anno domini et cetera XXI.