Purkmistr, konšelé a celá obec města IDBernstadtu auf dem Eigen (bürgermeister und gesworne und die ganze gemeine der stad Bernsdorff) se vzdávají sirotčímu vojsku pod vedením hejtmana IDVáclava Libáka z IDVrbčan (des heres der Weiszen) na milost i nemilost, poté co si v opevněném kostele uvědomili marnost dalšího vzdoru (in unser stat gwomen und fyngen uns in der befestunge unsir kirchen, die wir besatzt hattin, und wir zu der zeit fülende woren und ouch volkomelich dirkanten sie zu stören); a zavazují, že nebudou již nikdy válčit proti svaté pravdě evangelia a šiřitelům 4 artikulů (die heiligin artikele der worheit des ewangelii und des kristinlichin gloubin, vor welche das obgnante here wedir die fynde derselben artikelen kriges pflegin); a dále že budou pravidelně sirotkům odvádět roční plat (jerliche zinse) ve výši, kterou dříve odváděli své dědičné vrchnosti (unsern erbherren).
- A: originál
- B: prostý opis z konce 16. století
- C: prostý opis z konce 17. století
- D: prostý opis z 19. století
- A: N/A
- B: CWB Zittau; Altbestand; sign. A 245f (Collectanea Sculteti vol. II); fol. 92v‒93r; aktuální uložení neověřeno
- C: OLB; Milichsche Bibliothek; rkp. 231; fol. 18r; aktuální uložení neověřeno
- D: ANM Praha; Sbírka C ‒ muzejní diplomatář; sub anno 1430-12-27
- Palacký 1851, s. 120.
- Tomek 1879-IV, s. 474‒475.
- Tomek 1899-IV, s. 471‒472.
- Jecht 1916, s. 255‒270.
- Anděl 1961, s. 73‒74.
- Bartoš 1966, s. 76.
- Šmahel 1993-III, s. 230.
- Šmahel 2002-II, s. 1496.
K tomu dále viz regest.
In gotis namen, amen. Wir bürgermeister und gesworne und die ganze gemeine der stad Bernsdorff bekennen offenbar mit diesem brive allin und iglichin, die diese schrifft leszin und horin:
Als denn unsir fynde des heres der Weiszen in unser stat gwomen und fyngen uns in der befestunge unsir kirchen, die wir besatzt hattin, und wir zu der zeit fülende woren und ouch volkomelich dirkanten sie zu stören, und in der obgnanten befestunge des benanten heres wir nichte hatten mocht wedirstehin: demselbin here wir unser helse gegebin habin, mit solichem underscheide, dasselbe here, welche sie aus uns wellin lebinde lossin, lebinde lossin, und welche sie weldin tothen, töten sulden.
Dieselbin brüdir des gnanten heres grosse gnad und barmhertzikeit uns irzeigit habin, dess wir in danck sagin, umb desswillin, das sie gantze gewalt obir uns hattin und mit iren swertin uns nicht vorzeretin, sundir darnoch aus iren banden und gefengnisz ledig und losz liessen. Wenn wir merckinde iren guten willen zu uns und ouch volkommen achtinde ire gebot, habin wir denselben globit und worhefftiglich mit desem keginwertigen brive globin bey unsir reynen getrauen und unsir eren, wedir die heiligin artikele der worheit des ewangelii und des kristinlichin gloubin, vor welche das obgnante here wedir die fynde derselben artikelen kriges pflegin, und ouch wedir das beschrebene here und allir andir heren und ire brüder, die umb merunge derselbin gotlichin worheit krigen, mit streithafftiger hand in in keynir weisze zu wedirstehin.
Dornach so haben wir globit und globin mit diesim keginwertigin brive des genanten heres jerliche zinse, welche und wie fiel wir unsern erbherren vor aldirs und nu haben gezinset und gegebin unde zinsen, dieselbin zinse deme genantin herezu ewige zeiten zinsen. Wer es abir, das wir andirs thetin, do got vor sey, so globin wir offinbarlich in diesem keginwertigen brive allin und iglichin, das wir uns selbis berauben unsir trauen und unsir eren; dornoch so begebin wir uns und mit diszem keginwertigen brive begebin also, wen die gewald des benanten heres aus unsir gemeinschafft fingin, das sie ane alle hindernisse und unsir wedirredin noch irem willin mit einer solicher personen adir mer personen mogin handeln.
Zu merer sicherheit und gewissen bekentnisse unsir stat ingesegele an diessin keginwertigin brieff von unserm guttin willin und vorwillunge hobin lossin hengin. Gegebin noch Cristi geburt 1400 jar und dornoch im 30. jaren an der methewoch an sand Johannis des heiligen zwelfbotis und ewangelistentag.