Král IDZikmund potvrzuje purkmistrovi, konšelům a měšťanům města IDSlezské Středy (stat zum Newenmarkte) jejich privilegia. Činí tak s ohledem na jejich věrnou službu, kterou měšťané prokazovali jeho předchůdcům, českým králům, a kterou budou prokazovat jemu a jeho nástupcům i v budoucnu. Obzvlášť král IDZikmund potvrzuje listinu českého krále IDVáclava IV., svého bratra, která je zde vložená:
Král IDVáclav IV. potvrzuje městu IDSlezské Středy několik privilegií, zejména právo mílové a soudní, a uděluje nové, týkající se soudní příslušnosti města k vikpildu a práva odvolání ke dvornímu soudu. Dat. 10. dubna 1392, IDPraha.1
1: Ed.: Stenzel 1832, s. 611‒613; Meinardus 1906, s. 249‒252.
- Král IDZikmund: ?; majestátní z přírodního vosku; přivěšená na žluto-černých hedvábných nitích
- Vpravo dole na plice: Per dominum IDGeorgium episopum Pataviensem cancellarium, IDMichael de IDPriest.
- Na verso straně: Registrata IDHeinricus Fije.
- A: APW; Depozyt miasta Środy Śląskiej (1283‒1817); Rep. 132a; sign. 27
- B: APW; Zbiór rękopisów archiwalnych (XIII.‒XX. w.); Rep. 135, č. mikrof. T 78 984; Regesty dokumentów czeskich Luksemburgów (1348‒1437), s. 25, č. 8
- RI XI, č. 4022 (němčina)
- Stelmach 2014, č. 7711 (polština)
Wir Sigmund von Gotes gnaden romischer kunig zu alleczyten merer des richs vnd zu Hungern, zu Behem, Dalmacien, Croacien etc. kunig, bekennen vnd tun kunt offenbar mit disem brieff allen den, die in sehen oder horen lesen, das fur vns komen ist des burgermeisters, rats vnd burgere gemeinlich der stat zum Newenmarkte vnser lieben getruen, erbere bottschafft vnd hat vns diemieticlich gebeten, das wir in alle vnd igliche ire privilegia, hantvesten, rechte, brieve, fryheite, gnade vnd güte gewonheite, die sy von vnsern vorfarn kunigen zu Behem vnd andern vnsern vorfarn iren fursten vnd herren redlich herbracht haben von behemischer kuniglicher macht zu bestetigen gnediclich geruchten vnd nemlich des allerdurchluchtigisten fursten, herren Wenczlaws kunigs zu Behem, vnsers lieben bruders, brieff, der hernach geschrieben steet vnd von worte czu worte also lutet:
Wir Wentzlaw von Gotes gnaden römischer kunig zu allenzijten merer des richs vnd kunig zu Behem, bekennen vnd tun kunt offenlichen mit disem brieff allen den, die in sehen oder horen lesen, wann dem burgermeister, rate vnd burgern gemeinlichen der stat zum Newenmarkte vnsern lieben getruen ire hantvesten vnd brieve, die sy von vnsern vorfaren vnd der Cronen zu Behem herbracht haben, verbrant vnd verdorben sein vnd sy vorchten, das in an iren rechten fryheiten vnd gnaden, die sy von alders hergebracht haben, einfelle vnd hindernüsse geschen möchten, sein wir mit diemietigen fleizze gebeten, das wir in die selben ire rechte vnd gnaden zu luttern vnd von newes zugeben gnediclich geruchten. Des haben wir angesehen gnediclichen soliche dienste vnd true, als vns vnd vnsern vorfarn kunigen zu Beheim, die egenante burgere vnd stat zum Newenmarkte offte vnd dicke williclichen vnd nützlichen getan haben, teglichen tun vnd furbasz tun sollen vnd mögen in kumfftigen czijten, vnd haben darumb mit wolbedachtem müte, gutem rate vnd rechter wissen, den egenanten burgern vnd stat zum Newenmarkte, die nachgeschrieben gnaden getan, vnd tun in die in crafft disz briefs von kuniglicher macht zu Behem:
Czum ersten, das sy vnd dieselb stat, als sy vns vnd die Crone zu Behem angehoren vnd vns vnd vnsern nachkomen kunigen zu Behem gehuldet vnd gesworen haben, furbasz nymmerme von der Cronen zu Beheim sollen gesundert noch geteilet werden, sunder bij vns vnd derselben Cronen zu Behenn ewiclichen beliben.
Ouch so sollen sy vns vnd vnsern nachkomen kunigen zu Beheim alle jare zugeschosse geben dreissig mark grosser polonischer czale vnd behemischer müncze vf sand Walpurg tage vnd als vil uff sand Michels tage, so sollen sy vns ouch munczegelde fumff marke uff sand Walpurg tage vnd fumff uff sand Michels tage alle iare richten vnd beczalen, als sy das von alders her getan haben.
Ouch so luttern vnd tun wir in die gnade, als sy die von alders herbracht haben, das nyemand in eyner meil weges vmb die stat in iren weichpilde vnd das zu dem Newenmarkte gehoret keyn hantwerke vnd mit namen, melczen, brewen, bire schenken, fleischberken, gewantmachen, schuemachen, sneydwerken, kursenberken oder dhein ander hantwerke, wie man das nennen mag, arbeiten oder triben solle in dheinwisz, es were dan, das yemande soliche hantwerke von alders mit rechte getriben oder gearbeitet hette.
Ouch luttern vnd besteten wir in vnser hoffgericht oder hofgedinge, das sy von alders gehabt haben, also das sy macht haben, rechte zu teilen vnd zu sprechen vnd zu verkaufen uber alle guter, die in dem newenmarktischem weichpilde gelegen sind vnd in ire gedinge gehoren vnd von alders gehort haben, wer die habe oder in welicherley wurden derselbe were, vnd ob sy sich des rechten nicht verstunden, so sollen sie das rechte holen als sy das von alders getan haben vnd so sol ouch eyn iglicher, der in demselben weichpilde gesessen ist, des rechtens in demselben hofgedinge pflegen vnd dem gehorsam sin vnd keynen czuge oder beruffunge fur nyemanden tün, es were dann, das sich yemande fur vns oder vnsern nachkomen kunigen zu Behem als sinen erbherren berüffet, der sol das rechte fur vns oder wem, wir das bevelhen tun vnd nemen, als billichen ist.
Ouch tun wir in dise besunder gnade von kuniglicher machte zu Behem, das keyner irer mitburger oder mitburgerynn vsz der stat zum Newenmarkte vsz der mauer fur dhein gerichte welicherley, das were vmb keyne sachen nicht sollen geheischen, geladen oder furgetriben werden, sunder hette yemand zu in ichtes zusprechen, der sol das rechte suchen vnd nemen vor dem erbe, stat, richter, daselbist ist zum Newenmarkte, da eynem iglichen kleger eyn volkommen recht widerfaren sol. Were aber sache, das yemand des czuges begert vnd sich beruffen wolte, so mag vnser houptman oder hoffrichter die banke mit ritter vnd knechten beseczen, do denn iglichen teile rechte widderfaren sol, als das vormals offt vnd dicke geschehen ist. Were aber, das sich yemand an vns oder vnsre nachkommen als eynen kunig zu Behem vmb soliche sachen berüffen oder cziehen wolde, der mag das wol tün, so sol denn iglichem teile fur vns oder wem wir das bevelhen eyn volkomen rechte widerfaren, als billich ist.
Ouch so besteten wir den egenanten burgern vnd stat zum Newenmarkte von kuniglicher macht zu Behem in craft disz brieffs alle vnd igliche ire privilegia, hantvesten, brieve, rechte, frijheite, gnaden vnd güte gewonheitte, die sy von vnsern vorfaren kunigen zu Behem vnd andern vnsern vorfaren, fursten vnd herren, redlichen herbracht haben vnd meynen, setzen, vnd wollen, das sy dabij gerülichen vnd vngehindert bleiben sollen glicherwisz, als ob sy von worte zu worte herynn begriffen weren, vnschedlichen doch in den vorgenanten stucken vnd sachen yederman an sinen rechten, vnd gebieten darumb allen fursten, herren, rittern vnd knechten, amptluten, richtern, gemeinschefften der stete, merkte vnd dorffere vnd allen andern vnsern vnd des kunigrichs zu Behem getruen vnd vndertanen ernstlichen vnd vesticlichen beliben lassen, als lieb in sij vnsre swäre vngnade zu vermyden. Mit urkund disz briffs versigelt mit vnsir kuniglichen maiestat insigel. Geben zu Prage nach Cristes geburt dreyczenhundert jare vnd dornach in dem czweyvndnewnczigisten jaren des mittwochen in der marterwochen vor dem ostertage vnser riche des behemischen in den newnvndczweinczigisten vnd des römischen in dem sechczehenden jaren.
Des haben wir angesehen soliche diemietige bete vnd ouch betrachtet getrue nütze vnd willige dienste, die die vorgenanten burgermeistere, rate vnd burgere zum Newenmarkte vnsern vordern kunigen zu Behem offt vnd dicke williclich getan haben vnd vns furbasz tun sollen vnd mögen in kumftigen czijten. Vnd haben in dorumb mit wolbedachtem mute gutem rate vnd rechtem wissen alle vnd igliche ire vorgenante privilegia, hantvesten, rechte, brieve, frÿheite, gnade vnd gute gewonheite, die sy von vnsern vorgenanten vorfaren kunigen zu Behem vnd andern vnsern vorfarn fursten vnd herren redlich herbracht haben glicherwise, als ob die von worte zu worte herin geschrieben vnd begriffen weren vnd nemlich den obgeschriben brieff, wie dan der von worte zu worte lutet vnd begriffen ist in allen iren puncten vnd artickeln als eyn kunig zu Behem gnediclich bestetigt vnd bestetigen, in die ouch von behemischer kuniglicher macht in craft disz briffe vnd meynen seczen vnd wollen, das sy dabij furbasz gerulich beliben vnd der ouch an allen enden gebruchen vnd geniessen sollen von allermeniclich vngehindert doch vnschedlich yderman an sinen rechten. Mit urkund disz briefs versigelt mit vnser kuniglichen maiestat insigel. Geben zu Breszlaw nach Crists geburt vierczehenhundert jar vnd dornach in dem czweinczigisten jare an sand Peters abend ad kathedram vnser riche des hungrischen etc. in dem dryvnddrissigsten vnd des römischen in dem czehenden jaren.