Přepis regestovaného dokumentu

Wir Sigmund von gotes gnaden Romischer kunig zu allen czyten merer des Richs vnd zu Vngern, zu Behem, Dalmacien, Croacien et cetera kunig. Bekennen vnd tun kunt offembar mit disem brief allen den, die In sehen oder horen lesen, das fur vns komen ist Nickel Sachs burger zu Breßlaw, vnser lieber getruer, vnd hat vns diemieticlich gebeten das wir im vnd sinen erben zu erbe vnd eygen die gütter, die er hat mitnamen ein viertyle in dem dorffe Domsla zu dem rechten, als er die bisher besessen hat vnd nach der brieue lute die er doruber redlich herbracht hat zubestetigen gnediclich ... des haben wir angesehen solich diemietige bete vnd ouch betrachtet getrewe nucze vnd willig dienst die der vorgenen Nickel vnser vordern kungen zu Behem williclich getan hat vnd er vns furbaß tun sol vnd mag in kunftigen czyten; vnd haben dorumb mit wolbedach]em moute, goutem rate vnd rechter wissen demselben Nickel vnd sinen erben alle vnd igliche sin obgenanen erbe vnd eygen mit allen Iuer nuczen, rechten, renten vnd zugehorungen nichcz ußgenommen in allem dem rechte als er die bisher redlich besessen hat vnd nach siner brieue lute die er doruber hat gnediclich bestetigt vnd bestetigen im die ouch von Behemischer kuniglicher macht doch vnschedlich ... an sinen rechten vnd meynen vnd seczen in craft diß briefs, das sy derselben erbe vnd eygen gebruchen vnd die besiczen haben vnd halden sollen nach irer brieue lute von allermenglich vngehindert vnd wir behalten vns ouch herinn vnser gewönlich dienste mit urkund diß briefs versigelt mit vnser kuniglichen maiestat insigel. Geben zu Breßlaw nach Crists geburt vierczhenhundert iare vnd dernach in dem czweinczigisten iare des nechsten mittwochens nach sant Vincencien tag vnser riche des Vngrischen et cetera in dem dryvnddrißigisten vnd des Romischen in dem czehenden iaren.