Přepis regestovaného dokumentu

Mein dienst wist rychtar vnd purgarmeister vnd dem gancze rot czu Prespurk. Als ich euch vor geschriben hob vnd auch glogt hob vber herr Stybor vnd vber den herr Cunroth Schallndorffar vmb, daz groß vnrecht daz mir von in gescheher ist, do hobtter in kain antwort nicht getan auf mein schreibin vnd hobt geret czu meim pot, ich los euch die mein rawben vnd nemen euch ewer akssen vnd ewere phart, dez hob ich nicht getan, tut nur vngütlich nur vnd den mein. Auch als er in yczund schreibt, wie die mein die eweren gefangen hom. Los ich euch wissen, daz die mein nicht getan hampt ez hom die ander getan vnd hom se geprocht auf mein geslos, den selbin do wil ich se getrewlich holten, wen sy helffen nur mein gerechtikeit wider heren Stybor. Ich los euch auch wissen, daz ich euch nie gerawbt hob wider ich noch die mein hinczen auf den heutig tag, oder im hin fůr waz ich euch geschoden mag vnd getun mag ich vnd die mein, daz wil ich tun euch vnd dem ganczem Vngeren lanth, durch heren Styboren wil, als lang daz inn gelaich vnd genug von geschikt, vnd wil auch auch daz mit der eren tun ich vnd die alln mein. Wil euch noch nymant rawben, als ir den vor geret hobt ich los euch die mein rawben, dez wil ich nicht tun, wil euch mit eren nemen vnd schoden wu ich mag vnd wist auch, daz men die doygen die men auf mein geschlos gefürt hot, daz homt die geselln getan von ander gschlos vnd hob auch niks mit in czu schaffen vnd wir ir nicht auch ledigen lossen. Als lang daz ez sich lesen von den selbiger gesellen, die inn mein gerechtikeit helffen wider den hern Stybor. Data Göding feria II^a post natiuitatis Marie virginis, anno domini millesimo quadrigentesimo XXXI°. Vnd Hetten inn antwort geben pei meinppot het wol gewest, waz ich tun scholt. Jan von Wrben gesessen zu Göding.