Wir Sigmund von gotes genaden Romischer könig zu allen zeiten merer dez reichs und zu Ungern zu Behmen etc. konig embieten dem burgermeister rate und burgern gemeynlich der stat zu Stroßburg unsern und dez reichs lieben getrewen unser gnad wie wir mitsampt allen und iglichen unseren und und alles gut. lieben getrewen. dez reichs kurfursten andern fursten graven edlen undertanen und getrewen, dem almechtigen got Marie seiner lieben muter und allen heilgen zu lob und ere kristenglawben der heilgen kirchen und aller kristenheit zu hulff und zu trost und auch dem heilgen Romischen reiche und gemeynem nůcz zu fromen, und nemlich die keczer, die in unserm konigreich zů Beheim ufferstanden sind die man Hußen nennet, und ire unußsprechliche boßheit und ubeltete, die sy mit lestrunge des almechtigen gotes Marie aller heilgen und unserer aller kristenglawbens und nemlich an gotesheuseren zu berawben die zu erstören und zu erbrechen bilde zu erslahen cristenmenschen zu marteren und zu töten dye sacramente und heylikeit zu smehen und under ire fuße zu treten und ander ire keczerey teglich begen, mit gotes hilffe zu stroffen außreuten und zu tilgen, uberkomen und einen anslag nach dem gleichisten und besten, wievil wir und ein iglicher kurfurste furste grave herre und igliche des reichs stat gewapents volks und schuczen haben und die ein gancz jare zu teglichem krige wider die vorgenanten keczer mit kost versorgen solle, gemacht haben, und wievil ir dorzu gewapents volks und schuczen und auff welche zeit und wohin schikken sollet: daz alles vernemt ir eigentlicher in der vorgenanten kurfursten brive, der euch mit disem unserm brive geantwort wann wir nů solchem vorgenanten anslag wider die vorgenanten keczer werden sol. mit der hilff gotes getrewlich und krefftiglich nachgen wollen und den auch zu volbringen alle unser koniglich gemûte und macht gestellet haben dem so verer biß uff unser selbs blutvergießen genug zu tund, und nemlich wan die sach zuvoran gotes ist und die heilige kirche der vogt und schirmer wir sein cristenglawben euch und allen kristenmenschen antreffen: dorumb begeren wir vorderen an euch unde gebieten euch von Romischer koniglicher macht und bey beheltnuß ewr leibe lehenguter und habe ernstlich und vestiglich mit disem brief und manen euch dorzu solcher trew ere und gelubde die ir kristemglawben gemeinem nůcz und auch uns und dem reiche pfflichtig seyt, daz ir die zal gewapents volks und schuczen die euch angeslagen sind, als euch dann die vorgenanten kurfursten schreiben, auff zeit und an stat in irem brive begriffen vol erzeugt und versorget schikken sollet an alles verczihen und widersprechen, als wir des auch nach gelegenheit diser sache ein gancze hoffnüng und getrawen czu euch haben; wann zu dem lone, den ir dorumb von got haben werdent, wollen wir daz auch gegen euch allezeit genediglich bedenken und erkennen. wann wir auch den Karlstein den die Hussen belegen haben zu retten meynen, und in unser selbs persone mitsampt vil andern fursten graven und anderen dobey sein wollen, und hoffen daz ritterliche gescheffte daselbs werde: dorumb begeren wir von euch als dovor, daz ir uns zu solcher rettung dester me volks und auch karrenbůchsen als ir meist mugt uff die obgenante zeit und stat schikken wollet; daz ist uns von euch sunderlich und vast wol zu danke. geben zu Nuremberg an sant Egidien tag unser reiche des Ungerischen etc. in dem 36 des Romischen in dem 12 und dez Behemischen in dem dritten jaren.