Vévoda IDAlbrecht V. Rakouský potvrzuje abatyši a konventu IDkláštera benediktinek v Pustiměři (monasterii sanctimonialium in Pusmyer ordinis sancti Benedicti) na jejich prosby všechna privilegia, práva, statuta, indulty, listiny, svobody, milosti, donace, koncese a dávné zvyklosti, které získali od jeho předchůdců, českých králů a moravských markrabat. Všechny potvrzené listiny IDAlbrecht prohlašuje za věčně platné, jako by byly v jeho listině doslovně inserovány.
- Vévoda IDAlbrecht V. Rakouský: [dle Posse 1910, tab. 19, č. 3: † sigillvm † alberti † dei † gracia † dvcis † avstrie et † marchionis † moravie]; přírodní; přivěšená na pergamenovém proužku
- A: ZAO ‒ pobočka Olomouc; Arcibiskupství Olomouc; sign. G II 27
Albertus, Dei gracia dux Austrie, Stirie, Karinthie et Carniole, marchio Morauie comesque Tirolis etc., universis et singulis presentis etatis et successure posteritatis hominibus, ad quos presentes contigerit pervenire, salutem in Domino cum noticia subscriptorum. Et si nostre ducalis excellencie circumspecta benignitas universorum saluti sedulo dignatur intendere ac ea, que grata ipsorum comoda prospiciunt, interna mentis consideracione solicitudine continua meditetur, illarum tamen quieti, que huius mundi oblectacionibus spretis se immaculatas altissimo obtulerunt, fervore quodam inclinatur uberius, ut sub eius gubernacione Christo, cui desponsate sunt, eo liberius valeant reddere famulatum. Sane pro parte venerabilium et religiosarum abbatisse tociusque conventus monasterii sanctimonialium in Pusmyer ordinis sancti Benedicti nostre benignitati debita precum instancia humilliter fuit suplicatum, quatenus ipsis et dicto ipsarum monasterio universa et singula privilegia, iura, statuta, indulta, litteras, libertates, gracias, donaciones et concessiones laudabiles approbatas et observatas consuetudines, ipsis ab olim illustribus recolende memorie principibus, regibus Bohemie et marchionibus Morauie, predecessoribus nostris carissimis, factas, datas, indultas seu concessas, data et concessa et tandem tractu temporis confirmatas et confirmata, de nostre benignitatis innata nobis clemencia tamquam marchio et dominus Morauie innovare, ratificare, approbare et graciosius confirmare dignaremur. Nos igitur huiusmodi suplicacionibus utpote racioni consonis atque iustis benignius inclinati dictasque sanctimoniales in Dei obsequio devociores reddere volentes, ipsis universa et singula ipsarum privilegia, iura, statuta, indulta, litteras, libertates, gracias, donaciones et concessiones laudabiles, approbatas et hactenus observatas consuetudines sibi a prefatis nostris predecessoribus data et concessa, datas, factas et concessas non per errorem aut improvide, sed animo deliberato sanoque procerum et fidelium nostrorum accedente consilio in singulis ipsorum punctis, clausulis, articulis et sentenciis, ac si presentibus inserte seu inserta forent, de solite benignitatis nostre clemencia tamquam marchio et dominus Morauie approbavimus, ratificavimus, innovavimus et confirmavimus, approbamus, ratificamus, innovamus et tenore presencium graciosius confirmamus, decernentes et habere volentes omnia supradicta, ac si presentibus forent inserta, inantea perpetuam obtinere roboris firmitatem fraude et dolo quibuslibet penitus proculpulsis. Harum testimonio litterarum, sigillo nostro maiori, quo in marchionatu nostro Morauie utimur, munitarum. Datum Brunne decima die mensis februarii, anno Domini millesimo quadringentesimo tricesimo septimo.