![](img/kniha.jpg)
![](img/kniha.jpg)
![](img/kniha.jpg)
![](img/kniha.jpg)
Purkmistr Mikuláš Raffuaf (Nicolaus Raffauff burgermeister) a konšelé Olomouce (geswornen schoppfen der stat Olomuncz) Jan Vorlauf (Johannes Vorlauf), Klaus z Chebu (Klaws von Ach), Ondřej z Nemilan (Andreas vom Nymlans, ratmannen), Mikuláš Orglmeister (Nicolaus Orgneist), Jan Fullengraben (Johannes Fullengraben), Mikuláš z Police (Niklas von der Policz), Pavel Kratzer (Paul Kratczer), Václav iluminátor (Wenceslaus Illuminirer), Mikuláš Ratzer (Niklas Ratczer) a Mikuláš Strumpf (Niklas Strumpfl) vyznávají, že se souhlasem celé obce prodali Lukášovi Salczerovi (Lucassen Salczer), jeho manželce Barboře (Barbarin seiner hawsfrawn) a dědicům (iren erben) za 1100 hřiven grošů pražských (umb eyndleff hundert mark guter prager grosschen und merherischen czal) olomoucké fojtství spolu s mlýnem zvaným Kutlmul (unserer foitai zu Olmuncz und die mull genant Kuttlmul) a s loukami, se zahradami, se stájemi a rybníkem sahajícím až k městskému příkopu (mit aller irer zugehorung, mit den mit den wiesen, mit dem garten von aldes dorczu, gehorunden auch mit den beliben stetten und mit dem teich, den wir haben lassen awswerffen unczen an die statgraben und sust mit aller und itczlicher ander zugehorung) tak,1 jak je město se souhlasem a potvrzením moravského markraběte Albrechta V. Habsburského (Albrechts, herczogen zu Osterich und marggraffen zu Merhern et cetera) odkoupilo od Václava z Doloplaz (Waczlawen Doloplas), jak to prokazuje listina markraběte Jošta (margffen Josten) daná 21. června 1389 (nach Crists geburd tawsent dreihundert jare dornach in dem newn und achtczigstem jare, am montag vor sant Johannes tag des Tawffers) Olomouc (czu Olomuncz), jež je inserována a v níž Jošt, markrabě moravský, prodává Václavu z Kralic (Wenczlawen Greliczer) a jeho dědicům olomoucké fojtství.
1: K tomu blíže dokument z 27. listopadu 1435 ().
- Nešpor 1936, s. 80.
- Kux 1942, s. 29.
- Hosák 1959, s. 4.
- Hosák 1960, s. 33.
- Čermák 1977, s. 45.
- Mlčák – Žurek 1990, s. 408‒409.
- Nešpor 1998, s. 80.
- Nather a kol. 2005, s. 361.
- Schulz 2009, s. 207, 210.
- Bílý 2012, s. 106.
- Novák 2012, s. 90, pozn. 13.
Wir Nicolaus Raffauff burgermeister, Johannes Vorlauf, Klaws von Ach, Andreas vom Nymlans, ratmannen, Nicolaus Orgneist, Johannes Fullengraben, Niklas von der Policz, Paul Kratczer, Wenceslaus Illuminirer, Niklas Ratczer und Niklas Strumpfl geswornen schoppfen der stat Olomuncz bekennen und thun kundt offenlichen mit diesem brief vor allermeniklichen die in sehen lezen ader horen werden, das wir mit wolbedachtem mut und mit willen wissen und rate unser elden und der gemein den erben Lucassen Salczer, Barbarin seiner hawsfrawn und iren erben umb eyndleff hundert mark guter prager grosschen und merherischen czal, der wir den teil uns gepurund bereit enpfangen haben und mit dem uberigen czinse ab zuledigen benümpt ist vorkauft haben und in kraft ditcz briefs vorkauffen recht und redlichen wir obgenanten burgermeister, ratmanen, geschwornen schoppfen und die gancze gemein der ubermelten stat Olomuncz den obgenanten Luccissen Salczer, Barbaram, seiner hawsfrawn und iren erben unserer foitai zu Olmuncz und die mull genant Kuttlmul mit aller irer zugehorung, mit den mit den wiesen, mit dem garten von aldes dorczu gehorunden auch mit den beliben stetten und mit dem teich, den wir haben lassen awswerffen unczen an die statgraben und sust mit aller und itczlicher ander zugehorung, als von alders bies hieher besessen und gehalden sein als wir die mit willen und wissen unsers gnedigen hern des durchleuchten fursten herczogen Albrechts, herczogen zu Osterich und marggraffen zu Merhern et cetera, vom Waczlawen Doloplas gekauft haben noch inhalt seiner genaden bestetigung uns dorub gegeben die uns auch der itcz genanten der Waczlaw Doloplas zu freien gelobt verschriben und vorpurgt hat als sein brief awsweisen dorczu in allen rechten mit allen nutczen gulden geniessen und fruchten wie die genant sein nichtcz awsgenomen als im hawptbrief seliger gedechtnus margffen Josten beschrieben und begriffen ist also:
In gotes namen amen. Wir Jost von gotes gnaden marggraff und herre czu Merhern bekennen czu einee ewigen gedechtnus und thun kunt offentlichen allen, die diesen brief sehen, horen ader lesen, das wir mit wolbedachtem mute, mit freier wilkure, mit ganczem willen und wissen und auch mit rate der eldisten und der ganczen gemeine der stat Olomuncz, unsere lieben getrewen, recht und redlich vorkauft haben und mit kraft ditcz briefs erblich und ewiglich vorkauffen, reichen und ufgeben unsere foitai und gerichte zu Olomuncz und dorczu die müle, die genant ist die Kutlmule, mit einem garten, der do gelegen ist bei derselben müle an dem wasser, den etwan her Jan von Crawar hat gehalden, und dorczu mit allen und besundern mit einer itczlichen czugehorungen, mit allem rechte gerichte, puessen, herschafften, nutczen, fruchten, czinsen und mit namen mit dem lehen, reichunge und vorleihunge des alters in unser lieben frawen kirchen doselbst zu Olomuncz, den etwan Wenczslaw foit hat doselbst gestiftet und begabet; dorczu ein haws frei vor aller lozunge und gabe, wo das gelegen ist in der stat zu Olomuncz, mit allen zugehorungen kleinen und grossen, wie die von rechte ader von gewonheit zu der egenanten foitai und mülen gehort haben ader gehoren mogen, nichtes uns noch unsern erben und nachkumelingen marggraffen und herren zu Merhern czinses, nutczes geldes ader geniesses zu halden, sunder gancz, frei, ledig und los dinstes alles und aller gabe, es were zu herfarten, ader zu andern unsern sachen; jedoch, das die besitczer derselben foitai uns und unser nachkumelinge marggraffen und herren zu Merhern vor ire rechte erbherren sollen haben. Awer sam wir dieselbe foitai und müle selber gehalden haben fridlich, ungehindert, so reichen wir und ufgeben sie mit dem gerichte und allen obgenanten zugehorungen Wenczlawen Greliczer und seinen erben und nach irem tode dem jungen Wenczlawen, seines bruder sun und seinen erben und wann die abgingen, Katherine, Wenczlaw Greliczers bruder tochter und iren erben, und ab sie alle stürben, Wenczlaw von der Vistricz, genant von Doloplas und seinen erben und dornach allen der egenanten nechsten frunden und zu getrewer hant den edlen Laczken von Crawaren und Petren von Sternberg, umb fumfczehenhundert mark pragischer grossschen und merherischer czal, die wir marggraff Jost von dem egenanten Wenczlawen Greliczer mit bereiten pfeningen haben empfangen. Und globen in bai unsern guten trewen an alles arg, das sie dieselbe foitai und mül mit allen iren rechten, gerichten, czinsen, nutczen, fruchten und allen zugehorungen, wie die benant sein und benumet mogen werden, erblich und ewiklich frei und geruchsam sollen halden und haben und ewiklichen besitczen von uns, unsern erben und nachkumelingen marggraffen und herren zu Merhern, und von den unsern ungehindert lediglich und frei czu vorkawffen, czu vorwechslen, czu vorgeben, czu vorsetczen, czu vormiten und an ire stat einem andern zu lassen und an iren fromen, nutcz und pestes, wie yn das allerbeheglichste wirt, czu wenden und mit namen, das in der egenanten Kutlmul alle malcz, die zur stat Olomuncz gehoren, gemalen sollen werden und von einem itczlichem malcze czwen grossschen und den knechten czwen pfenninge, und alle tuch, die do zu Olomuncz gemacht werden, ader von anderswo gefuret zur walke, das die auch zu derselben mül im walkstampfe gearbeit sollen werden, und von einem itczlichen tuch sechs pfenninge, der acht einen grosschen gelden, dem egenanten Greliczer und seinen erben, und zu der hant dieser brief lawtet, sollen endehaftiklich geuallen. Wer awer dowider tete, zu dem sollen unsere burger pessern und derselbe sal mit aller seiner habe in unser gnade sein vorfallen. Und wellen von besundern gnaden, ab die egenanten Wenczlaw Greliczer und seine erben, Wenczlaw seines bruder sun und Katherina seines bruder tochter und alle ire erben die obgenante foitai immer vorkauffen wolden ader solden, das sie Wenczlaw Doloplas und seine erben an dem kawffe nymmer gehindern sollen noch enttowen. Wurde awer die egenante foitai nicht vorkauft, so sal sie geuallen mit der mule und mit allen iren czugehorungen noch der aller tode uff Wenczlawen Doloplas und uff seine erben, sam das ee begriffen ist. Und des globen wir egenanter marggraff Jost vor uns und vor alle unser nachkumelinge marggraffen und herren zu Merhern, alle die obgeschriben gelubde von worte zu worten in allen iren meinungen, sinnen, puncten, gesetczen und artikeln bai unsern guten trewn an alles geuerde halden, haben gancz unvorruket stete getrewlich und ewiklich derfullen. Des zu einem urkunt und ewigen geczewgnizze haben wir unser furstlich ingesigel czum ersten heissen hengen czu einer worhafftigen bestetigunge an diesem brief und dornach gepeten und geheissen alle inwoner der stat Olomuncz, unser liben getrewen, das sie auch vor uns und mit uns gelobt haben und irer stat ingsigl gehangen an diesen brief. Und wir ratlewte, schopffen, gesworn burger mit der ganczen gemeine beide, arm und reiche, inwoner der stat Olomuncz, die nu sein und dornach in ewigen czeiten doselbest werden, bekennen in diesem brief offenwerlichen allen, das wir von willen und von geheisse des allerdurchleuchtigsten fursten und herren, herren Josten marggraffen und herren zu Merhern gelobt haben und mit krafft ditcz briefs vor denselben unsern gnedigen herren und mit im globen bai unsern guten trewen an alles arg, den obgenanten Wenczlawen Greliczer und seinen erben, Wenczlawen seines bruder sun, Katherine seines bruder tochter, und allen iren erben, Wenczlawen Doloplas und seinen erben und zu getrewer hant den edlen herren Latczken von Crawaren und her Peter von Sternberger alle die obgenanten unsers herren gelubde, wie sie von worte zu worten geschriben sein, getrewlich an argelist und an widerrede sollen und wollen endehaftiklich derfullen und die obgenante foitai mit der mül und andern zugehorungen dem egenanten Wenczlawen Greliczer und seinen erben und allen, zu der hant dieser brief lawtet, von allen lewten, die sie mit geistlichen ader mit wertlichen rechten hindern, ansprechen ader bekumern wolden, ledigen, freien und entwerren, aws taidingen und vorrichten sollen und wollen und die egenanten bai denselben gütern behalden und getrewlichen beschirmen. Und ab sie immer mit uns ader wir mit in uffstossig werden, des got nicht engebe, so sollen wir noch unser nachkumelinge mit denselben nicht taidingen noch uber sie klagen ader richten, wann vor unserm herren dem marggraffen, das sie gegenwurtig sein. Des czu einem urkunt und waren geczewgnuss haben wir unser stat ingesigel an diesen brief gehangen, der geben ist czu Olomuncz nach Crists geburd tawsent dreihundert jare dornach in dem newn und achtczigstem jare, am montag vor sant Johannes tag des Tawffers.
Hierumb wir obgenanten burgermeister, ratmannen, geswornen, schoppfen und die gancze gemein der vorgenanten stat Olomuncz entweichen und abtreten hiemit dem vormelten Lucassen, Barbarin seiner hawsfraw und iren erben der vorgenanten foitai mül und aller czugehorungen nutczen fruchten czinsen und geniessen in allem rechten als wirs gehalden haben und in des obgeschriben hawptbriefs punckten, clawseln, gesetczen, artikeln, meinungen und sinnen begriffen ist und globen alle eintrechtiklichen mit unsern guten trewn und eren als wir uns des vorpunden und vorpflicht haben und in kraft ditcz briefs anderweit vorpinden und vorpflichten wir uns unsere erben und nachkumen die oftgenanten foitai und die Kutlmul mit aller irer czugehorung czu freien und noch lantrecht czuentwerren vor allem anspruch der Juden und Cristen und sust aller lewte geistlicher und werntlicher die sie mit dem rechten ausprechen ader anlangen werden dorumb wir sie vorwesen und mit dem rechten vortreten und entwerren sollen vor allernemklichen dorczu sollen wir in als dem ubergenante Lucas Salczer, Barbarin seiner hawsfrawn gegen unsern hern des durchleuchtigen fursten herczogen Albrechten czu Osterich et cetera herczogen und marggraffen czu Merhern et cetera gnaden hulflich und fuderlich sein, das in sein gnad dorumb ein bestetigung gebe und als ein gnediger herre vorleihe sunderlich czuvormeiden meingere stos und czwitracht die vormals foite und der rate czustunden miteinander gehabt haben und hernach entsten mochten, ist im kawff aigentlich benumpt und awsgetragen warden, als sich des der oftgeganen Lucas Salczer fur sich selbs fur sein erben und nachkumen begeben und mit seinem brief und insigl vorsichriben und vorpflichter hat als offt sich hinfur einen under foit czusetczen ader czuhalden gepuren wurd; so sal suchs alweg gescheen mit unserm und unsers nachkumen rates wissen und willen, also das der egenanten Lucas Salczer sein erben und nachkumen erbfoite keinen und foit nicht setczen behalden und haben sollen wider unseren und unserer nachkumen willen nemlichen so ist auch im kauff beredt und beslossen ab Lucas Salczer, sein hawsfraw, erben und nachkumen erbfoit dieser foitai und mull mit irer czugehorung vorkauffen wolden, so sollen sie uns und unsere nachkumen rate der czum ersten enpiten und fur andern gunnen wolten wir die ann nicht kawffen so sal man die vorkauffen mit unserm willen und wissen einem frumen man dem wir der auch gunten des czu einer waren sicherheit und geczewgunss haben wir unsern stat insigl gehangen an diesen brief, der geben und geschriben ist am montag für sand Thomas zwelf poten tag nach Crist gepurd vierczehenhundert und darnach in dem funfunddreisigisten jaren.