Přepis regestovaného dokumentu

Am Sonnabunde vor Francisci sein vor uns komen Chwal Lorberer von Prage, Mathis Kawder, Hannus Schorgast, Hennyng Wehenpusch und Niclas Polak Goltsmed zu Breslou und haben globt eyntrechtiglichen mit gesamptirhant ungesundert vor sich und ir erben, und nemelichen der Chwal Lorberer von Prage bey seyme erbe gelegen am ringe an der ecken bey sand Elizabeth kirchen obir zunehiste bey Franczke Kriges haus gelegen und Matis Kawder bey seyme erbe gelegen an der ecken uff die rechte hant als man uff sand Olbrechts gasse geht bey Mathis Lenkeners erbe zunehiste gelegen und Hannus Schorgast bey seyme erbe gelegen am ringe zunehiste bey der Slanszynne erbe und Hennyngk Wehenpusch bey seyme erbe gelegen an der ecken uff die lyncken hant, als man uff die Smedbrucken gehet, globen die obgeschriebene mit gesamptirhant der erben stat Franckenfort gelegen an der Oder bey iren obgenanten erben und gute farnde und unfarnde vor alle ansproche geistlicher und wertlicher gerichte von Hans Kothbus gelossen gutes wegen, das Niclas Polak in macht der vormunden Hannus Kothbus kynder Barbaren, Hannsen, Symon und Niclas von dem rate zu Franckenforden in gutwillige usrichtunge zu fruntlichen dancke empfangen hat und wir obgeschriebene burgen globen mitgesamptirhant vor diese obgenante Barbare, Hanns, Symon, Niclas Kotbus kynder, wen sie mundisch werden, das sie vor dem rate zu Breslow sollen bekennen guter usrichtunge sulches gutes und sich vorczeien allir ansproche ken dem rate zu Franckenford geistlichs und wertlichs gerichtes von sulchis gelossen gutes wegen ires vaters Hanns Kothbus und des eynen brieff zusenden von dem rate zu Breslow an den rat zu Franckenford und so das die obgenante Hanns Cothbus kynder getan haben, so sollen diese obgeschribene burgen allir obgeschriebene stucke und gelobde qweit, ledig und los seyn vor der stat zu Franckenford.