Přepis regestovaného dokumentu

Ich Ulrich von Rosenbergk bekennen fur mich und all mein erben offenlich mit dem brief. Als wir den hochwirdigen fursten und herrn, herrn Leonarten bischoven zu Passaw und sein nachkomen fur und mitsampt uns zu selbscholen und porgen gegen dem hochgeboren fursten, unserem gnedigen herrn, herrn Heinrichen, pfalzgraven bei Rein und herzoge in Beyern, und sein erben umb zwai tausent ungrischer gulden, je vierundzwainzig guter behmischer grossen fur ein gulden, versezt haben auf sand Jorgen tag jetzo zu bezalen, als dann der heubtbrief darumb gegeben klerlicher inhalder, und nu der obhenant unser gnediger herr, herzog Heinrich, durch unser vleissigen bet wegen umb die egenanten sum gelts ein lenger frist und zeit geben hat, als auf sand Michels tag schirst kunftig, auf denselben tag sich der egemelt unser gnediger herr von Passaw auch nach unser bet und inhalt des egemelten haubtbriefs verschriben hat und stet in massen, als er vor auf sand Jorgen tag gestanden ist, also globen wir im und seinen nachkomen bei guten treuen, das wir sy von solher sebstschol und porgschaft getreulichen losen und an schaden halten wellen in aller mass und form, als wir des in bisher schuldig gewesen sein und der gegenbrief, so wir seinen gnaden darüber gebe haben, auch clerlicher inhet, alles getreulich und un geverde. Mit urkund diz briefs, der mit meinen obgenanten Ulrichs von Rosenberk aigen anhangenden insigel versigilt und geben ist zu Crumaw am montag vor sand Jorgen tag, nach Crists geburt vierzehenhundert und in dem sibenunddreissigisten jare.