Purkmistr Heřman Schultes (Herman Schultis), šepové Lorenc Arnold (Lorencz Arnold) a Matěj Kasser (Mathias Kasser) jménem celé obce města Zhořelce (Gorlicz) prodávají Chvalovi Lorbererovi, dříve měšťanu na Starém Městě v Praze (Chwal, etwann burger zcu Prage), a jeho ženě Magdaléně (Magdalen) doživotní rentu 26 hřiven grošů ročně za 208 hřiven grošů. Kupní sumu jim Chval vyplatil hotově a byla použita na potřeby města (der stat gemeynen und merglichen nucz), jmenovitě 100 kop na vyplacení nároku vévody Jana z Minsterberka (Johannen zu Monsterberg) a 80 hřiven? na vykoupení platu osmi hřiven ročně z masných krámů (uff den fleischbengken) od Jana Meuwerera (Johann Meuwerer). Plat má být odváděn dvakrát ročně, 13 hřiven na den sv. Walpurgy a 13 hřiven na den sv. Michala, a to ve Zhořelci nebo ve Vratislavi (Breslaw) na náklady zhořeleckých (uff unßyr czerunge, koste und ebintuwer). Pokud by smluvená částka nebyla vyplacena ve kterémkoli ze smluvených termínů a ani šest týdnů poté, mají mít Chval a Magdaléna právo zadržet zhořelecké měšťany, kupce či řemeslníky s jejich zbožím (alle unser metheburger, kouflute und hantwergslute mit irem gute), dokud jim nebude vyplacen zadržený plat včetně prokazatelných výdajů (brieffin, botinlon, nochreisin adir sust).
- A: N/A
- B: Wrocław; Biblioteka Uniwersytecka; Oddział Rękopisów; sign. Mil. II/233, fol. 50rv.
- C: Zittau; Christian-Weise-Bibliothek; Altbestand; sign. A 245f (Collectanea Bartholomaei Sculteti, Band IV); pag. 81‒82.
Wir hienoch geschrebin Herman Schultis Burgermeister, Lorencz Arnold, Mathias Kasser etc. schepphin, rathmann der stat Gorlicz und gesworne gemeynlichin doselbist, die itczunt seyn adir hernochmols in kunftigin czeitin seyn werdin, bekennen offintlichin in dissim brieffe und thun kund allen den, die en sehn adir horen lesin, das wir mit rathe, willin, wissin und geheiße unser eldistin, der gesworne der hantwerke und der ganczin gemeyne der stat Gorlicz, recht und redelich vorkoufft habin und vorkouffin in und uff die stat Gorlicz und uff alle ire czinse, renthe, urbere, nutcze und genyssen, wo wir die habin adir in kunftigin czeitin habin werdin, dem erbern manne Chwal, etwann burger zcu Prage, und Magdalen, syner elichin husfrauen, sechs und czwenczig marg geldis jerlicher czinse zcu seynem und seinis weibis zcu irem leiben und irer beider lebetage zcu habin, ye eyne marg czinses umb acht marg, das macht in eyner summa czwehundirt und acht marg grosschin, die her uns mit gutem gereitem gelde gancz und gar beczalet hat. Dasselbe geld wir ouch an der stat gemeynen und merglichen nucz gewand haben, und nemlichen dovon dem hochgebornen herczogen Johannen zu Monsterberg hundert schog von der stad wegen beczalit haben umb der ansproche wille, dy her zu den czyten hatte, und domethe habin wir auch von Johann Meuwerer wedir abegekouft und abegelost VIII marg geldis jerlicher czinse, dy her uff den fleischbengken stehin gehabit hatt. Denselbien czins der sechß und czwenczig marg grosschin globin wir obgnanten burgermeister und rathmann vor uns und unser nochkomelinge, die noch uns zcu Gorlicz rathis stat besitczin werdin, in gutin trauen ane arg und ane allis geferde den egnanten Chwal und Magdalen seyner elichen husfrauen, dieweile sie leibin und lebin czu irer beyder lebetagin zu gebin uff disse nochgeschrebene tage von gemeynd gelde, renthe und czinse der stat Gorlicz, nemlich uff sente Walpurgen tag nehist kunftig anzuheben XIII marg und uff sente Michels tag dornoch komende abir XIII marg, und so vorbas meer jerlichen uff sulche obgenante tage zcu dryczehn marken gutlich ane allis hynderniß zu der stat Gorlicz, adir keyn Breslaw uff unßyr czerunge, koste und ebintuwer zcu antwertin, zcu richtin und zcu beczalin ffrey, ledig und loß geschosses, steuwer, hindirniß, vorbytunge, beswerniß und zutragunge allir und yglicher, die itczund seyn adir zcukunftig irdocht mochtin werdin, geistlich adir wertlichin eyner yglichen personen und gewald geistliches und wertlichs gerichtis und rechtin unnd mit namen der herschaft und irer amptluthe, die itczunt seyn adir ummir werdin. Geschee is abir, das den vorbenanten Chwal und Magdalen syner elichen hußfrauen der vorgeschreben czins nicht gegebin wurde uff alle czinstage, also vorgeschrebin stehit, in sechs wochen noch dem czinstage, so magen und sollen egnante Chwal adir Magdalen syne eliche husfrau uns und alle unser metheburger, kouflute und hantwergslute mit irem gute hindern, ufhalden und bekummern in stetin und in dorffen, bis also lange, das en ire vorsessene czinse gancz und gar gerichtet werdin. Und was schadin doruff gynge mit brieffin, botinlon, nochreisin adir sust, den sie beweisin mochten, der do redelichen were, den globin wir en auch gutlichen zcu richten ane widerrede und zcu beczalen. Und wenn Chwal und Magdalen syne eliche husfraue obgnante von disser werlde abegescheidin, so sal dissir brieff forbas keyne craft habin und wir sullin denn von sulchin czinsen ledig und loß seyn ane hyndirnisse und widdirrede ydir mannes, her sey frund adir fremde. Und das wir vorgnante burgermeister, schepphin und rathmann, die nu sint adir noch uns kunftig werdin, und alle gesworne der ganczin gemeyne zcu Gorlicz dissin vorgnanten kouffbrieff und globde stete und gancz ane allis arg haldin sullen und wellin volbrengin ane allis hyndirniß und widirrede. Des haben wir der egnanten stat Gorlicz groste ingesigil zcu eynem woren bekentnuß mit gutem wissin und willin an dissin offenen brieff lossen und geheissin hengen, der geschrebin und gegebin ist noch Cristi geburd 1426-09-26.