Papež IDMartin V. (Martinus episcopus) informuje arcibiskupy (archiepiscopis), urozené muže (nobilibus viris), kurfiřty (electoribus imperii), preláty (praelatis), knížata (principibus), šlechtice (nobilibus) a jiné věřící (aliis christifidelibus) v IDNěmecku (in regionibus Germanie) o tom, že ono odsouzeníhodné učení rozmanitých bludů a herezí v končinách IDČeského království (regni Bohemie) nakazilo již tisíce lidí, a stále mocněji se vzmáhá a přináší nebezpečí nejen jednomu národu či zemi, ale celé obecné církvi a samotné křesťanské víře. Proto vysílá do IDČeského království, IDMarkrabství moravského (marchionatus Morauie) a IDmíšeňského (Misnensem) kardinála IDBrandu da IDCastiglione (Brandam tituli sancti Clementis presbyterum), aby vymýtil toto hanebné společenství a odsouzené kacířské učení. Přikazuje a důrazně nařizuje (districte praecipiendo mandamus) všem v IDNěmecku (totam Germaniam), aby s náležitou úctou tohoto IDkardinála přijali a pomáhali mu kacířství vymýtit.
- A: N/A
- B: soudobý opis v Husitské kronice Ondřeje z Řezna
- C: prostý opis z 19. století
- A: N/A
- B: ÖNB Wien; Cod. 3296; fol. 386; aktuální uložení neověřeno
- C: ANM Praha; Sbírka C ‒ Muzejní diplomatář; sub dato
- Tomek 1879-IV, s. 181.
- Bartoš 1965, s. 148.
- Šmahel 1993-III, s. 99.
- Kavka 1998, s. 95.
- Čornej 2000, s. 301.
- Šmahel 2002-II, s. 1206.
- Nikodem 2004, s. 180.
- Studt 2004, s. 499‒501.
- Studt 2006, s. 117‒118.
- Studt 2010, s. 69‒72.
- Coufal 2012, s. 169.
- Čornej 2019, s. 417.
Martinus episcopus, seruus seruorum dei, venerabilibus fratribus archiepiscopis et dilectis filiis, nobilibus viris, electoribus imperii, ceterisque prælatis, principibus, nobilibus et aliis christifidelibus in regionibus Germanie existentibus, salutem et apostolicam benedictionem. Cum tocius christiane religionis solidum et ineuertibile fundamentum in orthodoxe fidei catholica veritate consistat, nos, qui vniversali ecclesie licet insufficientibus meritis præsidemus, ad huiusmodi fidei salutarem doctrinam in sue sincerissime puritatis integritate servandam protegendamque summis aspiramus affectibus, et admodum grauiter et cum magna cordis acerbitate ferimus illam multiplicium errorum et heresum sectam dampnabilem, qui prochdolor in partibus regni Bohemie tot gencium milia sue letaliter infecit veneno perfidie, ac in dies velut cancer mortifere serpens infecit et iugiter grauius inualescit, non solum in vnius gentis aut patrie sed tocius vniversalis ecclesie et ipsius christiane religionis cum diuini cultus exterminio grauissimum periculum ac non satis existimabile detrimentum. Ad cuius dampnatorum hereticaliumque dogmatum secte et confusionis extirpacionem diuina dirigente clemencia cum potentibus fidelium principum auxiliis et fauoribus oportunis feliciter operandum, post priores ad hoc opus salutare conatus nostros aliorumque nostrorum et sedis apostolice legatorum et nuncciorum destinacionem, nunc eciam dilectum filium Brandam tituli sancti Clementis presbyterum sancte Romane ecclesie cardinalem, de cuius prouida circumspectione sinceroque domus dei zelo et pervigili sollicitudine atque sciencia et virtute specialem ad tante dei digne peragendum negocium gerimus in domino fiduciam, ad ipsius regni Boemie et marchionatum Morauie et Misnensem nonnullasque alias mundi partes et regiones destinamus. Proinde fraternitates, nobilitates et deuociones vestras præcipuis affectibus exhortamur, in domino requirimus, et per salutiferam in qua regenerati estis fidem catholicam obtestamur, vobisque et vestrum singulis districte præcipiendo mandamus, quatenus ob reuerenciam dei suarumque fidei et ecclesie, quorum res igitur, præfatum cardinalem, qui quantum ad huiusmodi heresum et errorum exstirpacionem dumtaxat eciam per totam Germaniam pleno fungitur legacionis officio, cum debito recipientes honore, ac reuerenter et benigne tractantes, sibique in omnibus huiusmodi tam necessariam atque salubrem fidei prosecucionem concernentibus pareatis, et tamquam veri pugiles et defensores fidei et ecclesie sue sancte vestros potentes et efficaces tota deuocione uelitis impartiri fauores cum assistenciis et auxiliis oportunis. Sic enim deo gratissimum et ingenti premio dignum opus feceritis ac vestre et vestrorum saluti consulentes et paci satisfeceritis fidei, et apud nos et sedem apostolicam et vniversalem ecclesiam magnas graciam et fauores ac laudem famamque uobis comparueritis gloriosam. Datum Rome apud sanctum Petrum, Idus Aprilis, pontificatus nostri anno quarto.