Přepis regestovaného dokumentu

Unsern frundlichen grus zuvor, erbare besundere lieben frunde! Als wir kurzlich euwer erbarkeit geschriben haben, wie die ungetreuen keczer mit groser macht und sampnunge wider in die Slesia sich nechen und yngezogen sent, mit den die unsern von landen und steten ein geschefte an sant Johannis tage nehstvorgangen 27. Dezember 1428 in den wynachtheiligen tagen zwisschen Glacz und Wonschilburg gehat haben, do es leider den unsern obil gegangen hat, also das ir vil bleben und tot geslagen sent, under den der hochgeborne furste und herre herzoge Hans von Monsterberg auch erslagen und toto bleben sey, das ir unserm gnedigen herren Romischen et cetera kůnige moget vorkundigen lassen umb des willen, das sine gnade sulche lande, die nu von dem egenanten herzoge Hannse ledig wurden sent, nach siner gnade beheglichkeit wisse zu bestellen und ab seine gnade dieselben lande dem hochgebornen fursten und herren herzoge Canthener yngeben und bevelen wurde, das wir domete sulchir vorschribunge, die her im an den 400 marken jarlich rente uf uns vorschreben hat, entladen und gefreiet mochten werden. Auch tuen wir euch zu wissen, das wir mit den hochgebornen fursten und herrn herzoge Canthener eine beredunge gehat haben von der rente wegen, die wir in mit grossir bescheidenheid, als das denn zwisschen uns frundlich obertragen was, zu richten angeboten haben, derselben beredunge her uns ganz ausgegangen ist, also das wir noch mit im in unwillen stehen und uns keiner frundschaft zu im nicht mogen vorsehen; wenne her offenbar gesprochen hat, wenne die hussen auf eine seite vor uns zuzien wurden, so welde her uf die andere site auch zuzihen. Auch werden wir teglich gewarnet, das die keczer den Brig und auch andere stete in der Slesia meynen zu besetczen, aus den sie tegliches kriges dem lande pflegen wellen und mit morde, roube und brande zu en brengen allis, das sie obirkomen mögen. Und dovon so … grose notdurft, das ir bittet unsern gnedigen herren Romischen et cetera kunig mit demutigen fleisse, das her gnediclich dovor geruche zu denken, das siner gnaden lande und lute also yammerlich nicht beschedigt noch so grundlich werden vorterbit, und das her euch ye ee bessir mit gnedigem ende zu uns wider lasse komen, uf das ir uns in sulchen anefechtungen seiner gnaden stat in beschirmende getrulich mogit helfen raten.

Auch wisset, lieben frunde, da wir den briff hatten lasen schriben, quam uns warhaftige zitunge von den unsern, die wir gen Glacz gesandt haben, das die keczere von Jermir, Grecz, vom …, vom Croden und aus dem ganzen creysse doselbinst am neu jares tage 1. Januar 1429 mit grosir macht zu den, die vor Glacz gelegen haben, komen sent und ganzen willen mitenander haben in die Slesia zu zien und iren willen dorynne zu volbrengen. Got stehe uns allen gnediclich bey. Auch wisset, das euer weiber und kinder alle wol gesund sein.

Petro Roten et Petro Rastere dominica post circumcisionis domini anno 29.