Přepis regestovaného dokumentu

Wir Albrecht von gotes gnaden herezog ze Osterreich, ze Steir, ze Kernden und ze Krain, markgraf ze Merhern und graf zu Tirol etc. bekennen und tun kunt offenleich mit dem brief, d(az) wir den erbern geistleichen unsern lieben andechtigen ..dem abbt und dem conuent zu Witingaw zu vodrist durch gotes willen und von sundern gnaden gegeben haben und geben auch wissentleich mit kraft des briefs unser haws gelegen zu Krems, das etwenn nach Loben des Juden daselbs gewesen und von im an uns komen istt, in solicher mass, daz si und ir nachkomen das yeczgenanten haws mit seiner zugehorung nu fürbazzer innhaben, nüczen und niessen und iren frumen damit schaffen sullen und mûgen nach iren notdûrften als mit anderm des obgenanten irs goczhaws gut ungeuerlich. Mit urkund des briefs, geben zu Wienn an mitichen nach sant Stephans tag inventionis, nach Kristi gepûrde vierczehen hundert jar darnach in dem achtvndzwaintzigisten jare.