IDTěmo ze IDSchellendorfu (Thyme von Schellendorf) potvrzuje městské radě IDVratislavi (rathmannen der stat zu Breslow), že mu vyplatili odpovídající podíl z kořisti zajatých (die gefangen) táboritů a jejich proviantu; během tažení, kterého se zúčastnil.
Ich Thyme von Schellendorf bekenne offentlichen mit diesem briefe allen, die in sehn oder horen lesen, das ich mit den ehrsamen und weisen rathmannen der stat zu Breslow in eine gencze vorrichtunge umb alle die gefangen, dorzu ich meynete teil und recht zu haben, komen byn, und das sie mir umb dieselben gefangen eyne gancze usrichtunge und genugen volkomelichen getan haben, das mir genzlichen wol genuget und in dancke, und dorumme gelobe ich obgenannter Thyme die vorgenanten ratmanne, die stat und alle inwoner zu Breslow dorumme nymermer anzusprechen, noch anczulangen in keynerweise, und weis auch itzunt keyne sache noch zusprache, die ich zu der stat Breslow uf dies mal hette, und des zu geczugnis habe ich meyn ingsigel mit rechtir wissen uff diesen brieff gedruckt, der geben ist zu Breslow an der mittewochen nach sand Katherinen der heiligen hungfrawen tage, nach gotes geburt vierczenhundert jar und dornoch in dem czweyunddreissigsten jare.