Přepis regestovaného dokumentu

Wir Sigmund, von gotes gnaden Römischer kunig zu allen cziiten merer des richs und zu Vngern, zu Behem, Dalmacien, Croacien etc. kunig, bekennen und tun kunt offembar mit disem brief allen den, die in sehen oder hören lesen, das wir eygentlich underwiset sin und haben auch das in der warheite wol erfaren, das die burgere und inwonere zu Eger unser lieben getrewen von der cleynen haller münze wegen bii in in der stat grossen gebrechen haben und davon teglichen schaden nemen und empfahen und derworten, das sölicher schade in derselben unserr stat zu Eger abgee und die gemeinde daselbs des genczlichen benommen werde, so haben wir mit wolbedachtem mute, gutem rate und rechter wissen dem burgermeister und rate der egenannten stat zu Eger erlawbet und gegünnet, erlawben und günnen in mit craft disz briefs und kuniglicher macht zu Behem also, das sy furbaszmer bii in in der stat ein cleyne müncze in pfennyngen und in hallern, der an pfennyngen achtczehen und in hallern sechsunddriszig fur eynen grosschen gen und genomen werden sollen, slahen und machen mögen, so in das allernüczlichst sin wirdet. Und dise unser erlawbung sol weren als lange, bisz das wir oder unser nachkomen kunig zu Behem sy nicht widerrüffen. Mit urkund disz briefs versigelt mit unserm kuniglichen anhangendem insigel. Geben uf dem berge zunn Chutten nach Cristi geburt XIIII^O iare und dornach in dem XX^ten iare an unserr lieben frawen abend nativitatis, unserr riche des Vngarischen etc. in dem XXXIIII, des Römischen in dem zehenden und des Behemischen in dem ersten iaren.