Přepis regestovaného dokumentu

Ich Chunrat von Hermansgrůn bekenn mit dem brief, als ich in des hochgeborn fursten herczog Albrechts, herczogen ze Osterreich etc., meins genedigen herren, sold zu der Igla gelegen bin und daselbs etbevil scheden genommen hab, daz mich derselb mein gene^adiger herr von derselben scheden wegen ge^anczleich ausgericht und beczalt hat und mir dafür gegeben ain summ gelts, daran mich wol benuget hat. Darumb gelob ich, daz ich von derselben scheden wegen hincz dem obgeschriben meinem gene^adigen herren herczog Albrechten, seinen lannden und le^awten, furbaser dhain züspruch noch vordrung haben sol noch wil in kainerlay weys an geverd. Mit urkund des briefs, besigilt mit meinem aufgedrukchten insigil, geben ze Wienn an mitichen nach sand Larenczen tag anno Domini etc. vicesimo tercio.

Dafür sind im ausgerichtt worden XXIIII guldein.