Přepis regestovaného dokumentu

In nomine domini, amen. Quoniam omnia, que sub statu corruptibilium fuerint, more fluentis aque a memoria hominum decidunt, decrevit ob id sapientum virorum sagacitas ut gesta hominum perpetuar debant literis notabilibus et sigillis, hunc est quod nos Clug Petrus magister civium, Wanco aureus, Nicolaus Crispus, Martinus, Hannus Rumpler, Paulus Faber, Niclas Teig sutor, Burko mensator, Liphardus arcufex, Michael Gewiczer, Procopius sutor consules et iurati civitatis Luthouie recognoscimus tam presentibus, quam posteris ad quos presens peruenerit scriptum, quod providus vir Nicolaus dictus Schonnikl, quondam conciuis noster bone memorie, sanus corpore bona deliberacione, libera voluntate et excerta sciam sano amicorum suorum fretus consilio in singulare remedium suorum peccaminum salutemque animarum predecessorum et consangwineorum suorum sempiternam collata sibi ad eo beneficia Christi obsequio impartiri desiderans dedit, legauit et coram nobis irreuocabiliter assignauit undecim cum dimidia marcas grossorum veri certi annui et perpetui census, ad altare in ecclesia parochiali sancti Marci in civitate nostra supradicta situm, fundatum et creatum nondum erectum et ad laudem omnipotentis dei sub titulo visitacionis eius genitricis intemerate virginis Marie, sancte Barbare et sancte Katherine V grossis consecrandum. Primo quinque marcas in et super magistro civium, consulibus et iuratis ac tota communitate noue civitatis alias Vniczow, quas soluere tenentur in terminis prout in literis empcionis et vendicionis ipsius census originalibus continetur. Item unam marcam, quam soluere tenetur Thomas Cerdo de noua civitate de domo sua ibidem in noua civitate sita in terminis, prout in litteris desuper confectis lacius continetur. Item unam marcam quam soluever tenetur Michael Springinslant conciuis noster de domo sua in civitate nostra sita libro civitatis nostre proscriptam. Item Duchan de Chorzelicz et Wach piscator in preurbio nostre civitatis unam marcam, quam soluere tenentur de agris et bonis ipsorum libro nostre civitatis proscriptam. Item mediam marcam, quam soluere tenetur Barthon dictus Tahla suburbanus noster de agris suis et curia sua in suburbio civitatis nostre sita libro nostre civitatis proscriptam. Item mediam marcam, quam soluere tenetur Hyklinus laicus de Michlowicz de agris suis ibidem in Michlowicz libro civitatis nostre proscriptam. Item I ½ marcis, quas soluere tenetur Hannus antiquus iudex de Cholina de agris suis ibidem in Cholina libro civitatis nostre proscriptas. Item unam marcam, quam soluere tenetur Hannus Pewtinger laicus in Strzelicz villa de agris suis ibidem in Strzelicz libro civitatis nostre proscriptam. Quem quidem censum undecim cum dimidia marcarum in locis predictis et in libro civitatis nostre proscriptum, dicto altario sub titulo visitacionis beate et intemerate virginis Marie, sancte Barbare et sancte Katherine virginis iam fundato et creato et ipsius ministro seu altariste pro dote et congrua sustentacione realiter contulit, integraliter dedit ac perpetuo assignauit per rectorem seu altaristam ipsius altaris tenendum, habendum, utifruendum et pacifice possidendum talibus tamen condicionibus et modis adiectis specialiter et expressis scilicet, quod ipsius altaris possessor rector seu altarista primus esse debeat et debet honestus vir dominus Nicolaus Lorlmi de Vniczow presbiter Olomucensis diocesis, ipsemque dominus Nicolaus Lorlmi iam dictus ad illud altare institui debebit et confirmari ac ipsum altare tener et regere usque ad tempora vite sue uel sue beneplacitum voluntatis insuper supradictus Nicolaus dictus Schonnikl fecit ordinauit et disposuit ut quiuis altarista seu altaris possessor in qualibet septimana IIIIor missas legat aut per alium ydoneum presbitrum legi procuret unam videlicet sabbatis diebus de domina, secundam feria secunda pro defunctis alie uero due misse stabunt ad ipsius officiantis nutum et ad legendum easdem perpetuo sit astrictus; debet eciam prefatus altarista dicti altaris et sui successores in processionibus et dominis officiis se aliis altaristis ecclesie civitatis nostre predicte omnio conformare et non plus neque ulta abseque ipsius voluntate, ius uero patronatus seu presentandi rectorem ad dictum altare supradictus Nicolaus dictus Schonnikl in magistri civium, consules et iuratos civitatis nostre predicte pro tempore existentes tamquam in veros et legittimos transtulit patronos, quod nobis et successoribus nostris magistris civium, consulibus et iuratis civitatis nostre predicte pro tempore existentibus volumus perpetuo reseruare. Isto tamen ad iuncto, quod quincumque ipsum altare vacare contigerit, alium discretum clericum vel actu presbiterum ex filiis civitatis nostre supradicte ad hoc ydoneum nullum aluid ecclesiasticum beneficium habentem loci ordinario instituendum et confirmandum debeamus simpliciter et pure propter deum presentare. Circa quid ut premittitur personaliter residendo, predicamque onera supplendo illo dumtaxat beneficio sic contentus, ut autem omnia hec prescripta in uiolata et euo tempore duratura permaneant honorabili viro domino Martino de Cremsir canonico ecclesie Olomucensis et plebano ecclesie in Medla, nos magister civium, consules et iurati civitatis nostre supradicte humili precum supplicauimus instancia ut dicte donacioni et fundacioni suum eciam benignum adhibere velit fauorem et consensum nostreque civitatis sigillo per appenso suum eciam appendem dignaretur sigillum in robur perpetuum et euidens testimonium premissorum, et ego Martinus de Cramsir canonicus ecclesie Olomucensis et plebanus in Medla ad humilem magister civium, consulum et iuratorum civitatis Luthouie supplicacionem dictarumque sanctarum videlicet visitacionis virginis gloriose genitricis dei intemerate Marie, sancte Barbare et sancte Katherine viginum honorem ampliandum prefate donacioni et fundacioni fauorabiliter annuens meum eciam sigillum bona deliberacione et ex circa mea sciencia presentibus duxi appendendum in testimonium ewiternum et robur euidens omni premissorum. Datum Luthouie anno domini millesimo quadringentesimo tricesimo quarto octaua die mensis februarii.