Přepis regestovaného dokumentu

Ditterich von Clux houptman uf Schochaw an land und stat Gorlitz. Als ir denne zwischen mir und Heintze Dobeschitz manchfeldige schelunge und broche vorhort hobet und uns noch unser beider willekore doraus gescheiden et cetera, also hat ir aber nest aber wol gehort, das noch meiner vorwillunge vor euch kein broch an mir gewest ist et cetera. Thu ich euch also meinen gekoren richtern zu wissen, das meynes herrn und fettern arme leuthe bey mir gewest seynt, und haben mir vorbrocht kleglich, das sy gewarnen worden, das man sie slöen, vöen, morden und bornen wil. Das mir alles in euer betedigunge geschen et cetera. Bitte ich euch mit besunderm dinstlichem vleisse, wollet ansehen so vile gewalde uns unrecht, das meines herrn und fettern armen leuthen ist wederfaren und noch möchte wederfaren; in sulcher warnunge euch in den sachen wellen zu halden unde beweisen also unser gekorne richter, das ich der sachen mit em ende mechte gewinnen et cetera. Gegeben zu Schochaw an der metewoche noch oculi.