Přepis regestovaného dokumentu

Nos Andreas iudex, Olbramus pro tunc magister ciuium, et Nicolaus Koranda, iurati consules et ciues ciuitatis Nowe Plzne, tenore presencium recognoscimus uniuersis et singulis testificantes, quod honesta Margretha, dicta Drzistalonissa, conciuis nostra, coram nobis ac pleno consilio personaliter constituta, recognouit, se, heredes et successores suos in et super domo sua et ipsius area, que est sita in iam dicta nostra ciuitate, inter domos Petri lorificis parte ab una et Johannis Lichwicze parte ex altera, ac super omnibus bonis suis mobilibus et inmobilibus, habitis uel habendis, mediam sexagenam grossorum bonorum census annui et perpetui pro quinque sexagenis grossorum pragensis monete iusto vendicionis titulo vendidisse honorabilibus et religiosis predicatoribus, videlicet ecclesie parrochialis nostre et monasterii fratrum predicatorum ac monasterii fratrum minorum, presentibus et futuris. Quas quidem quinque sexagenas grossorum racione testamentalis pecunie pro anima famosi Andree dicti Strhla de Prziewieticz delegatas, recognouit se pretactua Margaretha Drzistalonis vidua recepisse promittes prefata Margaretha vidua bona fide dare sine quauis dolo malo suo heredium et successorum nomine prescriptam mediam sexagenam grossorum census annui perpetui singulis annis diuisim in terminis infrascriptis censuando soluere incipiendo in proximo die sancti Gorgii quindecum grossos predicatoribus subscripta ita quam quilibus predicatorum supradictorum pro se quinque grossos recipiatis et in festo sancti Galli imediate sequiti similiter quindecim grossos pro prefatis predicatoribus prout sedecim est sine quauis dilacione. Pro quo quidem censu quilibet predicatorum supranominatorum pro anima prefati Andree dicti Strhla et pro animabus predecessorum suorum et pro animabus omnium fidelium defunctorum omni die dominico in ambone singulis annis et perpetuis temporibus debent et tenentur deum omnipotentem exorare. Et non dato censu cuiuscunque dictorum terminorum termini quocunque anno, mox supranominati predicatores plenam habent et habere debent auctoritatem prefatam Margaretham Drzistalonis, heredes et successores suos prenotate domus auxilio iudicis et iuratorum tunc temporis in nostra ciuitate existencium in iamdicta domo in aliisque bonis suis, ubicunque situatis et repertis, impignerandi et recepta pignera atque ipsam domum inter christianos siue iudeos obligandi uel vendendi et taliter non solutum censum ad plenum conquirendi sine omni iudicii strepitu et querele, hoc tamen expresso, quod si predicta Margaretha aut eius heredes et successores in aliis certis et equiualentibus bonis cum scitu et consensu predicatorum mediam sexagenam grossorum census perpetui pro quinque sexagenis grossorum dictorum et non remissius comparauerit et more consueto confirmauit ex tunc prefata Margaretha, heredes et successores sui cum domo sua et aliis bonis suis a tali solucione census eruit liberi et soluti et qui hanc literam habuerit de voluntate sepedictorum predicatorum, eidem competit ius omnium premissorum. In quorum euidens testimonium et robur valiturum sigilla nostra propria de certa nostra sciencia ad peticionem prefate Margarethe Drzistalonis presentibus sunt appensa. Datum et actum anno domini millesimo quadringentesimo tricesimo tercio, in die sancti Anthonii.