Přepis regestovaného dokumentu

Dem edelen vesten Hartlen von Teuffenpach meinem lieben vetter enbewt. Ich Elsbeth Walckaus, des Rewter säligen tochter und Hansen des Zebinger eliche hausfrau, mein freuntleich dinst. Ich pit dich mit allem vleiss, das du mir die zwen brieff die du von meinen twegen innehast die da laüttent der am von dem obgennanter meinem mann der ander von meinem netten, walcheren dem Zebinger von meins heiratguet wegen, dorumb ich von dem benanten meinen mann versorgt bin dar an ich eine benügungen hab dauon lieber vetter sende mit die obgennant zwen brieff bei disem gegenbürtigen meinem chnecht der dir den brief gen und wan du das also tan hast so sag ich dich und dein erben. Dorumb quitt ledig und löss mit dem brieff und des züe urchunde gib ich dir den brieff besigelt mit meinen aigen auf gedrükten insigel. Der brieff ist geben nach Cristi gepürde vier zehen hünder jär und darnach in dem süben und zwanczigsten jär des nehsten pfincztags nach sant Jacobs tag et cetera.