Přepis regestovaného dokumentu

Am sonnabunde vor dem Sontage Iudica ist vor uns komen der erber Jost, foit zum Tost, und hat becant, das im die erber und toguntliche fraue Katherina von der Kröten von Prage sechczik schok groschen an den achczik schocken groschen, die im etwenn Nicolaus vom Toste, burger zu Prage, sein bruder, derselben frauen elicher man, dem Got gnade, schuldig bleben ist, doran im noch czwenczig schock groschen hinderstellig sein, wol zudancke gerichtet und beczalet habe. Das im wol genuget und sagte doselbist von seinen, seiner erben und elichen nochkomlinge wegin, dieselbe fraue Katherina und irer geerben, derselben sechczik schocke groschen queit, ledig und los.