Přepis regestovaného dokumentu

Ich Caspar Tannberg, ich Wenczla Sawrprunn, ich Jorig Púhel und ich Merrt E^ardinge^ar, wir bekennen mit dem brief, als wir in des hochgeboren fursten herczog Albrechts, herczogen ze Österreich etc., unsers genedigen herren, sold zu der Igla under dem edelen vesten During von Halbil, unserm haubtmann daselbs gelegen seinn und etbevil scheden emphangen haben, daz uns derselb unser gene^adiger herr umb dieselben sche^aden, die wir unczen auf hewtigen tag genommen haben, wie die genant sein, ge^anczleich ausgericht und beczalt hat unser yegleichem ein summ gelts, daran uns wol benúgt hat. Darumb geloben wir, daz wir von derselben scheden wegen hincz dem obgenanten unserm gene^adigen herren herczog Albrechten, seinen lannden und le^awten, furbas kain zůspruch noch vordrung haben sullen noch wellen in dhainerlay weys an geve^ard. Mit urkund des briefs besigilt mit des obgenanten During von Halbil, unsers haubtmans, aufgedrukchten petschad, darczu haben wir vleissikleich gebeten den erbern Erharten Haiden, daz er sein insigil zu gezeugnuss der sachen auf den brief gedrukchet hat, im und seinen eriben an schaden, darunder wir uns verpinden mit unsern trewn, alles das ste^at ze halden, das oben an dem brief geschriben stet. Geben ze Wienn an freytag nach sand Iacobs tag anno Domini etc. vicesimo tercio.

Von erst hat man ausgericht Casparn Tannberg VI guldein.

Item Wenczla Sawprunn XX schokch facit XXXV tal. den.

Item Iorgen Puhel XX guldein facit XV tal den.

Item Mertten Erdingër VIII guldein facit VI tal. den.

Summa LX tal. IIII ß.