Přepis regestovaného dokumentu

Ich Wilhalm Waldna^er bekenn, als ich dem hochgeboren fürsten herczog Albrechten, herczogen ze Osterreich etc., meinem genädigen lieben herren, yeczund hie ze der Ygla gesoldent hab hundert sibenundsibenczick werleicher ze rossen auf ain halbs viertail iars, das sich enden wïrdet des suntags vor sand Bartholomes tag nachst künftig, und ist aim yegleichen werleichen ze rossen die zeÿt ze sold beschaiden fünff guldein, das also in sum bringet acht hundert funfundachczickk guldein, also hat mein genadiger herr die vorgenanten soldnär die zeit ïrs solts gancz ausgericht und beczalt und sag in darumb genczleich quit, ledig und los. Mit urkund geben ze der Ÿgla am phincztag vor sand Margreten tag der Iunckfrawn anno Domini millesimo etc. vicesimo tercio.