Purkmistr a přísežní města IDJihlavy (Yglavie) se zavazují odvádět každoročně z majetků města plat 4 kop grošů chudým a kaplanovi v jihlavském špitálu, a to vždy o suchých dnech. Zmíněný plat zakoupil pro daný účel IDJan z IDMeziříčí (armiger Johannes de Mezerziecz) za 40 kop grošů. Učinil tak ke spáse své, svých příbuzných a předků. Z platu mělo být rozděleno vždy o suchých dnech 50 grošů chudým a 10 grošů knězi nebo kaplanovi ve špitálu. Tento kaplan měl o suchých dnech sloužit vigilii s jednou čtenou mší za duši donátora, jeho příbuzných a předků. Rovněž měl o suchých dnech jmenovat zmíněné při mši za přítomnosti chudých ze špitálu. Ty měl vyzvat, aby se modlili za donátora a jeho příbuzné.
- A: SOkA Jihlava; Sbírka městského muzea Telč (neuspořádáno); stará sign. K 6
Nos magister civium et iurati consules civitatis Yglavie tenore presencium recognoscimus universis presentibus et futuris presentes literas inspecturis, quemadmodum famosus armiger Johannes de Mezerziecz propria motus pietate sua, suorumque consangwineorum et predecessorum animarum pro salute donavit ac pie deputavit quadraginta sexagenas grossorum, sic quod predictis pecuniis quatuor sexagene grossorum annui et perpetui census ad hospitale nostre civitatis emi debeant et disponi in quibusdam certis bonis civitatis nostre predicte, prout hoc idem factum, ordinatum et procuratum est cum consensu nostro pariter et favore tali disposicione, quod idem census singulis annis in perpetuum pauperibus hominibus et capellano in hospitale nostrum predictum distribui debebitur seu debet pecunia in parata et hoc sigillatim et distincte pro quatuor terminis annuatim, quod videlicet pro quolibet termino quatuortemporum anni de prefato censu quinquaginta grossi pauperibus et decem grossi sacerdoti seu capellano in hospitale nostrum prenotatum tribuantur, quiquidem capellanus in singulis terminis quatuortemporum anni, ut prefertur, vigilias cum una missa legere tenebitur pro animabus prenotatis. Quodque prefatus capellanus similiter in singulis quatuortemporibus anni predictas animas coram predictis pauperibus hominibus in officio misse nominare debet cum exhortacione et commemoracione consueta, sic quatenus et ipsi pauperes pro iam dictis animabus in oracionibus ipsorum Deum omnipotentem deprecentur. Quapropter nos magister civium et consules supradicti unacum successoribus civitatis nostre antedicte debemus et tenemur disponere et povidere, ne huiusmodi donacio sive census in aliqua parte sui sic, ut premittitur, depereat vel in aliquo defectum paciatur, et promittimus bona nostra fide unacum successoribus nostris fideliter instare et procurare, quatenus sepedictus census de bonis civitati nostre, in quibus proscriptus est seu unde et de quibus dari debebitur et debet, pauperibus et capellano hospitalis nostri supradicti singulis annis in perpetuum in terminis quatuortemporum anni antedictis dari, assignari et distribui debebitur et debet plenarie et in toto in omnibus et per omnia, prout superius est expressum, dilacionibus et negligenciis quibuslibet proculmotis. In cuius rei testimonium et maioris roboris firmitatem presentes literas fieri et sigilli nostre civitatis appensione iussimus communiri. Datum Iglavie anno Domini millesimo quadringentesimo tricesimo tercio, ispo die nativitatis sancti Joahnnis Baptiste.