Přepis regestovaného dokumentu

Hannus von Polentz, vorweser der Sechs lande und stete Budissen et cetera und voyt zu Lusitz, ad senatum Gorlicensem. Hatt uns der von Bergaw eynen briff gesand et cetera und der bothe spricht, das ir aller myteinander kume 4000 is. Darumb, liben fründe, ruffe ich uch abir an, das ir von stund uff syth by tage und by nachte mit alle uwer macht uff waynen, gerytten und zu fusse und mit uwern buchsen, so ir meyste möget. Und last uns ein solch klein folck nicht homuten und schaden in dem lande thun. Und zihet gerade zu der Zittaw zu et cetera.

Ouch so schicket das den mannen ere bryfe by redelichen knechten et cetera, so fulgen uch die manne et cetera. Last uwern rytenden gezug von angesichte dysis briffes uff sitzen et cetera und dy wayne und fuszgenger hernach kommen et cetera. Gegeben zur Zittaw am montage vor Galli.

Post script. Uwern reytenden gezug lost als morne 14. Oktober vor mittage hy sein, und die andern von stund hernach kommen.

Ouch libin herren, als dysir briff als nechten geschrebin wart, ist mir als hiut vor tage botschafft komen, dorzu ich der eldesten von landen und steten bedarff. Dorumb so bitte ich uch, das ir mir herobir sendet von dem lande zu Budissin Nickel von Ponickaw und Hanse Puntzel, und von dem lande zu Gorlitz Voytländer von Gerszdorff, ab er ander gerythen kan, und Herman Scholtzen, wenn wyr morgen etlichen weg ryten müssen; konde abir Voytlender nicht reyten, so sendet mir Hannse von Klüx.