Přepis regestovaného dokumentu

Niclass von Kosting und Barbaren des Reihels von Prag witib

Desselben tags des Eritags nach sand Johanns tag kom fur den rat der stat ze Wienn her Niclas von Kosting und Barbara weilent des Reihels von Prag witib und habent da beweist und bracht, als sy zerecht solten, mit den erbern briestern und herrn maister Niclasen vom Desschen, maister der siben kunst, und hern Hannsen Gotkaw von Pressla von der varunden hab wegen, so Hainreich Prawn inngehabt und weilent her Niclas, pfarrer zu sand Lienhart zu Prag, in desselben Prawns gewalt in ain vësslein hinder sein gelassen hat, daz dasselb güt der egenant her Niclas pfarrer zu sand Lienhart mit in ungetailt gehabt hab, also welher under in drein personen mit tod abging, daz denn dasselb gut auf die andern, die dennoch in leben sind, solt gevallen an alle irrung. Und daz offt und dikch der egenant her Niclas pfarrer zu sand Lienhart vor in gemeldet und geöffent hab und hat auch vor dem obgenanten maister Niclasen vom Deschen und hern Hannsen Gotkaw menigermal gemeldt, daz den egenant zwäin personen hern Niclasen von Kosting und Barbaren all sein hab, so er hinder sein lass, vor mënikleichen solt ingeantwurt und widervarn werden, als darumb die obgenanten herren pey ir briesterschafft gesagt habent, als sy zerecht solten.