Přepis regestovaného dokumentu

Wir Albrecht von Coldicz, des Romischen et cetera kunigis cammermeister, heuptman zur Sweidenicz et cetera, voit zu Budissin, Gorlicz, Sittaw et cetera, bekennen und tun kunt mit disem offin brive vor allen den, di yn zehen, horn adir lezen, das die gestrengen und woltuchtigen herre Janke von Cothemicz, ritter off dem Ffurstenstein gesessin, herre Ffransco von Warnsdorff, Jon von Redern an Gotschen teile, Thamme von Gerersdorf, Nickel von Tawchris, Reichard Czakwicz von Budissin an der von Gorlicz teile geteidinget, vorricht und gemacht haben eine ganze sune und vorrichtunge zwisschen dem gestrengen Gotschenschoffe zum Greiffenstein gesessin und den erzamen burgermeister, rotmannen und burgern der stat Gorlicz: alzo das der genante Gotscheschoffe bey allen seinen briven, privilegia und hatfesten bleyben sullen, die sie haben obir die strosse. Auff die selbe sune und vorrichtunge Gotsche Schoffe alle die gefangen der Gorliczer hot ledig gelosin und den brieff, den her obir dy gefangin gehabt hot, als uber achthundert mark und alle ire habe in wider geben, do her sye mete gefangen hot, nemlich dreyzen pherde und dreyzen panzer, an arg. Domete habe wir ausgesprochen, das sie gute frunt bleiben sullen und eyn teil den andern nymmer aufheben sal in keinem arge und mit allen den, di dorumb verdocht sein in den sachen an beiden teilen. Auch sullen die von Gorlicz aus irem statbuch und andir stetbucher alle, die sie von der sache wegen hetten losen inschreiben, ausschreiben und austhuen lossin an allen arg. Das hot der obgenante Gotscheschoff und die egenante stat Gorlicz vor uns globt, den aussproch und vorrichtunge stete und ganz unvorbrochlich zu halden an allen arg, argelist und an allis geferde. Dobey seint gewest und sein gezeugen die gestrengen und woltuchtigen Tristram von Redern ritter, Hanus Schoff, Hanns von Libental, Voitlender von Gersdorff, Hanus Bolwericz die zeit ein underheuptman zu Gorlicz, Heinrich Bolwerycz zum Fförstchen, Waldaw, Heincze von Ronaw und die erbern, weizen stete die stat Sweidnicz, die stat Strigaw, die stat Reichenbach, die stat Jawer, die stat Lemberg, die stat Bunczlaw, die stat Hirsberg, die stat Budissin, die stat Zittaw, die stat Lawben, die stat Lobaw und die stat Kamenecz. Des zu einem grosir bekentnis und merer sicherheit haben wir obgenanter Albrecht von Coldicz als ein voit und heuptman der obgenanten lande unsir ingesigel losen hengen an disen briff und dorzu gebeten die erzame und weize stat Lemberg, das sie ir ingesigel auch angehangen hot bey unns zu einem grossir bekentnisse. Der gegeben ist zu Lemberg den nesten montag noch dem suntage oculi noch gotis geburth vierzenhundirt jar dornoch in dem sechs und zwenzigsten jare.