Přepis regestovaného dokumentu

Ich Andre Staindl von Imendorf bekenn, als ich in des hochgeboren fursten herczog Albrechts, herczogen ze Österreich etc., meins gene^adigen herren, dinst under dem edeln herren heren Mathesen von Ror, haubtmann zu der Igla, daselbs an dem sold gelegen bin und etbevil scheden emphangen hab, daz mir der obgenante mein genediger herr von derselben schëden wegen, die ich uncz auf heutigen tag genomen hab, wie die genant sein, ein gancz benugen getan und mir darumb erberleich ausgericht und beczalt hat ein summ gelts, daran mich wol benuget hat, darumb gelob ich, daz ich von der obgenanten sche^aden wegen hincz dem obgeschriben meinem gene^adigen herren, herczog Albrechten, seinen lannden und le^awten furbas dhain zuspruch noch vordrung haben sol noch wil in kainerlay weys an gevërd. Mit urkund des briefs, besigilt mit der erberen Lienharts des Newnhofe^ar und Vlreichs des Soll, baider burger ze Wienn, insigl, die ich des fleyssikleich gebeten hab, daz sy die zu gezeugnuss der sachen auf den brief gedrukcht habent, in und irn erben an schaden, darunder ich mich verpind, alles das stët ze halden, daz oben an dem brief geschriben stet. Der geben ist ze Wienn an eritag vor sand Pangreczen tag anno Domini etc. vicesimo tercio.

Dem hat man ausgericht VII tal. den.