Přepis regestovaného dokumentu

Nos Nicolaus, supremus magister, Thomasko prior, Johannes claviger, Johannes plebanus sancti Stephani in Rybniczka, Johannes sacristanus totusque conventus fratrum domus hospitalis sancti Francisci in latere pontis Pragensis situati de regula sancti Augustini ordinis Cruciferorum cum stella tenore presencium publice recoguoscimus universis et testamur, nos discreto viro Sigisimundo de Ponte institori, civi Maioris Civitatis Pragensis, et ipsius heredibus in centum et octuaginta sexagenis grossorum cum viginti quattuor grossorum bonorum denariorum pragensis ex causa veri et iusti debiti nobis et hospitali nostro mutuati debitorie obligari. Quam pecuniam in evidentem necessitatem, comodum et utilitatem nostri ordinis convertimus de presenti. Idcirco promittimus presentibus bona nostra fide sine dolo malo quolibet manu coniuncta et indivisa prefato nostro creditori et ipsius heredibus predictam pecunie summam in festo Pentecosten nunc proxime venturo dare et persolvere pecunia cum parata dilacione et occasione langiori qualibet non obstante. Quod si non fecerimus, ex tunc statim in crastino post predictum terminum prefato nostro creditori et ipsius heredibus damus virtute presencium plenam et omnimodam facultatem, quod predictam pecunie summam inter Iudeos et Cristianos possit et debeat recipere et conquirere nostri et hospitalis nostri predicti super dampna. Nichilominus sepefati nostri creditores poterint virtute presencium homines nostros censuales et bona hospitalis nostri predicti habita et in futurum habenda, ubicunque locorum inventa et reperta fuerint, per se aut cum auxilio quorumcunque baronum, dominorum, nobilium, officialium, burgraviorum, beneficiariorum, iudicum et aliorum hominum in civitatibus, opidis, villis, stratis inpigterare, arrestare et captivare ipsaque pignera inter Iudeos vel Cristianos obligare, vendere, alienare, eciam si placuerit, pro sue voluntatis libito reservare nec tamen ipsa pignera sic distracta debent ipsis quomodolibet decuti in summa capitali, sed pocius persolvi cum onmibus dampnis exinde perceptis pecunia cum parata. Insuper habebunt eciam plenam potestatem racione predicte summe et universorum dampnorum inde quomodolibet subortorum nos iure spirituali convenire, aggravare ac excommunicacionum sentenciis involvere tam diu, quousque predicta summa capitali non soluta ac dampnis racionabiliter perceptis ipsis non fuerit satisfactum. Si autem predicta inpigneracio et arrestacio per nos aut nostros qualitereunque impediretur vel perhiberetur, ex tunc contra fidem et honorem nos fecisse fatemur. Eciam nulla iuris accio canonici vel civilis aut privilegia ordinis vel iuris nostri nos poterint quomodolibet adiuvare, quibus omnibus renuncciamus per presentes. Et quicunque litteram presentem de scitu, cousensu ac bona voluntate predictorum nostrorum creditorum habuerit, eidem velud ipsis plenum ius competit et competere debet omnium premissorum. In horum testimonium et robur sigilla nostra propria, magistri videlicet et conventus, de certa omnium nostrum sciencia presentibus sunt appensa. Datum Prage anno domini millesimo quadringentesimo vicesimo feria tercia in festo sancti Gregorii pape in Quadragesima.