Přepis regestovaného dokumentu

Johannes dei gracia episcopus Olomucensis, administrator in spiritualibus et temporalibus ecclesie Pragensis, notum facimus tenore presencium universis, quia venerabilis dominus Jacobus, abbas monasterii Czedlicensis, ordinis Cisterciensis Pragensis diocesis, discretum dominum Mathiam Kossatam de Wyzowicz, sacerdotem nostre Olomucensis diocesis, ad ecclesiam parochialem in Tynecz, Pragensis diocesis, per mortem domini Stephani ultimi et inmediati eiusdem ecclesie rectoris vacantam nobis presentavit cuius ius patronatus et presentandi, ad dictam dominum abbatem dinoscitur pertinere. Quare vobis universis et singulis ecclesiarum rectoribus per et infra civitatem et diocesem Pragensem ubilibet constitutis, qui presentibus fueritis requisiti, seu alter vestrum fuerit requisitus, sub excommunicacionis pena mandamus, quatenus accedente ad dictam in Tynecz ecclesiam, si tutus ad eandem patebit accesus alias in vicinata ecclesiam cridam seu proclamacionem publice proponatis, ut si quis dicte presentacioni aut persone presentate se opposuit is infra quindecim dies a die proclamacionem vestre coram nobis aut officio nostro Olomucensis compereat de suo iure docturis et interesse alias si nullis apparuit contradictor ex tunc eundem domini Mathiam ad dictam in Tynecz ecclesiam, auctoritate nostra confirmetis et investiatis, mandamus universis et singulis, quorum interest, sibi de universis eiusdem ecclesie iuribus fructibus et obvencionibus ac pertinenciis integraliter responderi. Harum, quibus sigillum nostrum presentibus est appensum, testimonio litterarum. Datum in Montibus Chutnis anno domini millesimo quadringentesimo vicesimo secundo die prima mensis ianuarii.