Přepis regestovaného dokumentu

Ich Dietmar Künigsperger bekenn, als ich in des hochgeboren fürsten herczog Albrechts, herczogen ze Österreich etc., meins gne^adigen herren dinst zu der Igla gelegen und daselbs von den hussen gevangen worden pin und von derselben ve^ankchnüss wegen etwevil sche^aden emphangen hab, als och die dem obgenanten meinem gnëdigen herren und seinen re^aten aygenleich erczellet hab, das mich der egenant mein gne^adiger herr umb die vorgenanten scheden, wie die genant sein, ge^anczleich ausgericht und beczalt hat, daran mich gar wol benüget. Mit urkund des briefs, besigelt mit meinem aufgedrukchtem petschat geben ze Wienn an montag vor sand Mertten tag anno etc. vicesimo tercio.

Darauf hab ich im ausgericht CL guldein.