Saský vévoda IDFridrich II. Mírný (Friderich, von gots gnaden herzoge zu Sachsen, des hiligen Romischen richs erczmerschalg, lantgrave in Dorungen und marcgrave zu Missen) uzavírá s hornolužickým fojtem IDAlbrechtem z IDKoldic (ern Albrechte von Coldicz voite), stavy a konšely IDBudyšína, IDKamence a IDLobavy (lantmannen und ratmannen der lande und stete Budissin, Camencz und Lobaw) a cisterciáckým klášterem IDMarienstern (dem clostere Merginstern) spolek na dobu šesti let, od data tohoto ujednání, (uf sechs jar von data siz brieves) proti všem těm, kteří již delší čas činí škodu a haní římského IDcísaře Zikmunda (des Romischen keiszers) a na cestách v zemi vraždí, loupí a způsobují potíže (in unsern landen und straszen an name, morde, brande und plackerye), především pak proti IDZikmundovi Děčínskému z IDVartenberka (ern Sigmunde von Teczschin) a jeho spojencům; jmenovitě IDJanovi Čapkovi ze IDSán (Czapko), IDJanovi Kolúchovi z IDVesce (Kaluch) a IDMikeši Pancíři ze IDSmojna (Myksche Pantczer). Zavazují se k vzájemné podpoře při obléhání IDArnsteinu (Arnstein) a IDGrafensteinu (Grefenstein) i během denní války ‒ hlavně posádkami v IDPirně (zu Pirne) a IDWildensteinu (Wildenstein), stejně jako k tomu, že žádný se signatářů dohody neuzavře se IDZikmundem Děčínským příměří. V případě sporů mají být sporné otázky řešeny u soudu. Dále saští vévodové IDZikmund, IDVilém III. Chrabrý, IDFridrich II. Mírný, a durynská a hessenská lankrabata IDFridrich IV. a IDLudvík I. (herrn Sigemunde und herrn Wilhelm herzoge zu Sachsen, herrn Friderich und herrn Wilhelme herzoge zu Sachsen, herrn Friderich und herrn Lodewige lantgraven in Doringen und Hessin, unsern liben brudern, vettern und swegern) zaručují všem kupcům bezpečný přesun po cestách v zemi, zvláště proti IDMichalovi z IDGorenz (Michel von Gorenczk), který byl obviněn fojtem. Zároveň se stanou zprostředkovateli, pokud hrabě IDJiří z IDAnhaltu (den greven von Anholt) podnikne právní kroky vůči Hornolužickým (voite, landmanne und stete).
Wir Friderich, von gots gnaden herzoge zu Sachsen, des hiligen Romischen richs erczmerschalg, lantgrave in Dorungen und marcgrave zu Missen, bekennen offintlichin mit dessem brieve und thun kunth allen, dy in sehin oder horen lesin, das wir gote zu lobe, unserm allirgnedigisten herrn dem keyser zu dinste, dem heiligen riche zu eren durch fredes und eynes gemeynen nutz willen mit den edeln gestrengin und ersamen wiesin ern Albrechte von Coldicz voite, lantmannen und ratmannen der lande und stete Budissin, Camencz und Lobaw mit dem clostere Merginstern und mit allen den, die in ire wigbilde gehoren und in zu vorteidingen geboren, als hute vorhandilt haben solche broche, schelunge und scheden, die sich ydczunt lange zyt in unsers gnedigisten herrn des Romischen keiszers und in unsern landen und straszen an name, morde, brande und plackerye verlouffin haben, so das wir der nimmer liden noch zu thune gestaten wollen, so furderst wir konnen. Dorumme wir uns mit den genanten voiten, landmannen und ratmannen der lande und stete Budissin, Camencz und Lobaw voreynith, verbunden und verschriben haben, vereynen, verschriben und verbinden uns mit in uf unsers allergnedigisten herrn des Romischen keysers wolgefallen und widerrufen uf sechs jar von data disz brieves nehist nach einander volgende ungeverlichin in kraft desses brieves, als hirnach geschrebin stehit:
Zum ersten sollen und wollen wir in helffin wedir allermenneclich, dy sie ader unsers gnedigistin hern des keysers strassen beschedigen wolden, wo wir ir ungeverlich mechtig sind, und nemlichin wider ern Sigmunde von Teczschin und siene helffer mit nomen Czapko, Kaluch und Myksche Pantczer. Wurde wir danne rates eyn wyder denselben ern Sigmunde eyn felt zu machin, darzu sie uns folgen sollen nach redelichkeit und irem vermogen. Wurden wir auch rates zu verbuwen den Arnstein adir Grefenstein, darzu sie uns getruwelichen helffin sollen. Ouch wurden wir rates eyns tegelichen kriges, so sollen die unsern, die zu Pirne und Wildenstein legen, in nach ir vermanungen ungeverlichen folgen. Disglichin, wurde es uns not, so sollen sie uns wider herabe folgen. Wurd es auch sache, das er Sigmund ader siene helffere mit macht in unser land zihen welde und wir im das wider mit macht weren musten, darzu sollen sie uns mit macht in redelichkeit und in irem besten vermogen volgin; desglich wir in widerumbe thun wollen, ab her zu in inzoge. Ouch wollen wir uns mit ern Sigmunde von Teczschin noch seinen helffern nicht abesunen noch freden, es geschege danne mit der obgenanten landen und steten wissen und willen. Desglichin sie ouch nicht thun sollen. Ouch sollen und wollen wir mit unsern voiten und amptluten bestellen, das dy genanten voite, landmannen und stete unsern landen und wider darin nicht sollen beschedigit werden; und welcher ader wer das daruber tethe, das sollen unsir amptlute getruwelichin helffin schutzin unde weren als unsir eigin land und zu denselben gedengken, und sollen sie in unsir lande nicht sichern noch geleiten; das die obgenanten landmanne und stete ouch widerumbe vernemen und thun sollen. Ouch hetten ader gewunnen dy genanten voite, landmanne und stete dy unsern icht yn schulden ader zu zusprechin von erbe und gutere wegen, den adir dem sal man helfin bynnen dryen vierzentagen, is were danne das sichs irthe an orteil und rechte nach gerichtis louften; yedoch sollen sie schulde und antwert schriftlich sendin an stete, do man pfleget recht zu sprechen, das den luten ire recht nicht verkurczt werden, ab sie derselbin nicht geteilen konden. Wer es ouch umme geldschult, so sal man in helfen geldes ader rechtes bynnen vierzentagen. Ouch wollen wir mit den hochgebornen fursten herrn Sigemunde und herrn Wilhelm herzogen zu Sachsen, herrn Friderich und herrn Wilhelme herzogen zu Sachsen, herrn Friderich und herrn Lodewige lantgraven in Doringen und Hessin, unsern liben brudern, vettern und swegern, bestellen, so wir best mogin, das sie dy oft gedochten landmannen und stete und ire kouflute durch ire lande und gebiete in irem schutcze und beschirme zihen und faren lassen, bisundern umme Michel von Gorenczk und anderen, den der von Coldicz ir voit pflichtig ist, sollen und wollen sy mit dem egenanten irem voite vlissichlichin darumme reden. Und ab das von in nicht mochte gewandelt werdin, wollen und sollen sie das, so schir sie vor unsern gnedigen herrn den Romischen keiser komen, sienen keiserlichen gnaden mit vlisse irzelen und verkundigen, wie es siener gnaden lande und stete umbe solcher siener schuld wille zusteit. Ouch sind wir der obgenanten voite, landmanne und stete gein den greven von Anholt, ab er sie teidinge, nicht uberhebin, weldin mechtig sein zu gliche und zu rechte und sollen und wollen sie auch gein in zu gliche und rechte schuczin und schirmen. Ouch wurde es sache, das dy obgenanten voite, landmanne und stete usz unsern landen von ydermanne angegriffen, beschediget adir uberfaren wurden, das got nicht gebe, daranne sollen und wollen wir uns beweisen, das en widerkare widerfare mit golde adir mit rechte, desglichin uns von in wider geschen sal, ab das an uns ader den unseren geschege. Dessir beteidunge zu urkunde und sicherheit hat der gestrenge Diterich Pagk unsir voit zu Dresden vor uns bis uf volzihunge der hauptbrieve sin insigel als unsir amptman hir unden angedrugkt. Die geschen ist nach Cristi geburten 1400 jar, darnach in 36. jaren am dinstage nach Johannis des touffers.